+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

مەيىرىمدىلىك - ادامنىڭ ەڭ جاقسى قاسيەتى

17 مامىر 00:06
:ءبولىسۋ
مەيىرىمدىلىك - ادامنىڭ ەڭ جاقسى قاسيەتى

نۇر-سۇلتان. قازاقپارات - تومەندە ادامدارمەن ءتىل تابىسۋعا كومەكتەسەتىن ومىرلىك وقيعالار جازىلعان:

1. ەدەن جۋۋشىنىڭ ەسىمىن ءبىلىڭىز

ساباق بەرۋشى پروفەسسورىمىز ەكىنشى كۋرستا وقىپ جۇرگەنىمدە جازباشا تەست الدى. بىلىمگە قۇمار جان بولعاندىقتان، سوڭعىسىنان وزگەسىنىڭ بارىنە جاۋاپ بەردىم. مەن جاۋاپ بەرە الماعان سۇراقتا «ءبىزدىڭ كورپۋستىڭ ەدەنىن جۋاتىن ايەلدىڭ ەسىمى كىم؟» دەپ جازىلعان بولاتىن.

مۇنى قالجىڭ بولار دەپ ويلادىم. ەدەن جۋۋشى ايەلدى بىرنەشە رەت كورگەنىم راس.

ول جاسى ەلۋدى القىمداعان، بويشاڭ، قارا شاشتى ايەل بولاتىن. مەن تەست پاراقشاسىن وسى سۇراقتىڭ جاۋابىن جازباي وتكىزدىم. ساباق اياقتالۋعا جاقىنداپ قالعان شاقتا ارامىزدان بىرەۋ سۋىرىلىپ شىعىپ بۇل سۇراقتىڭ قورىتىندىعا قانشالىقتى اسەر ەتەتىندىگىن سۇرادى.

پروفەسسور «ارينە» دەپ جاۋاپ بەردى. «بولاشاقتا قاي قىزمەتكە ورنالاسساڭدار دا، ول جەردە ەلەمەۋگە تۇرارلىق ادامدار بولمايدى. ولار ءاردايىم سەندەردىڭ قامقورلىقتارىڭا ءزارۋ».

ۇستازىمنىڭ وسى ساباعى ومىرىمە ارقاۋ بولدى. مەن كەيىن ول ايەلدىڭ ەسىمى دامەلى ەكەنىن ءبىلدىم.

2. ادامدى جاۋىن استىندا قالدىرماڭىز

بىردە تۇنگى ساعات 23:30 شاماسىندا اباي كوشەسىنىڭ بويىندا قارا تورى ايەل جاۋىننىڭ استىندا تۇردى. كولىگى بۇزىلىپ قالسا دا، مەجەلەنگەن جەرگە جىلدام جەتۋى كەرەك ەدى. ءۇستى- باسى سۋ بولا تۇرا كولىكتەن ءتۇسىپ، تاكسي توقتاتۋعا تىرىسىپ باقتى.

ارادا ءبىراز ۋاقىت وتكەن سوڭ ايەلدىڭ جانىنا بەيتانىس جىگىت كەلىپ، تاكسي توقتاتۋعا كومەكتەستى. ايەل قاتتى اسىعىپ تۇرعانىنا قاراماستان، وزىنە كومەكتەسكەن ادامنىڭ ەسىمىن سۇراپ، مەكەن-جايىن جازىپ الدى.

جەتى كۇننەن كەيىن بىرەۋ جىگىتتىڭ ەسىگىن قاعادى. وعان الگى ايەل ۇلكەن قوراپتاعى تەلەديدار جولداعان ەكەن. جانىندا حاتى بار: «سول تۇندە كومەكتەسكەنىڭىز ءۇشىن العىسىم شەكسىز. ول جاڭبىر كيىمىمدى سۋلاپ قانا قويماي، جۇرەگىمدە لاۋلاپ جانعان ءۇمىت وتىن سوندىرگەن ەدى. كەنەتتەن ءسىز كەلدىڭىز. ءسىزدىڭ ارقاڭىزدا و دۇنيەگە اتتانىپ بارا جاتقان كۇيەۋىممەن قوشتاسىپ ۇلگەردىم. قايتارىمىن كۇتپەستەن كومەك كورسەتكەنىڭىز ءۇشىن راقمەت. قۇرمەتپەن ءنازيرا حانىم».

3. سىزگە قىزمەت كورسەتىپ جۇرگەن جانداردى ۇمىتپاڭىز

بالمۇزداق پەن شوكولادتىڭ باعاسى ءبىز ويلاعاننان دا ارزان بولعان زاماندا ون جاسار بالا ءدامحاناعا كىرەدى. داياشى قىز الدىنا ءبىر ستاقان سۋ اكەلىپ قويادى. بالا: «شوكولاد قانشا تۇرادى؟» - دەپ سۇرايدى. داياشى نەبارى 50 تەڭگە تۇراتىندىعىن ايتادى. بالا قالتاسىنداعى بار تيىندى شىعارىپ، ساناۋعا كىرىسەدى.

«ال ەڭ ارزان بالمۇزداق قانشا تۇرادى؟» - دەپ سۇرايدى. وسى ۋاقىتتا كورشى ۇستەلگە قوناقتار كەلىپ، داياشى شىدامسىزدانا باستايدى. «35 تەڭگە!» - دەپ ىقىلاسسىز جاۋاپ قايىرادى.

بالا تيىندارىن قايتادان ساناپ، ەڭ ارزان بالمۇزداققا تاپسىرىس بەرەدى. داياشى بالمۇزداق پەن ەسەپشوتتى اكەلەدى. بالا بالمۇزداعىن جەپ بولعان سوڭ اقشاسىن تولەپ، سىرتقا شىعادى.

داياشى بالا وتىرعان ۇستەلدىڭ ءۇستىن ءسۇرتىپ ءجۇرىپ كوزىنە جاس الادى. بالا تارەلكەنىڭ استىنا ءشايپۇل رەتىندە 15 تەڭگە قالدىرىپ كەتكەن ەكەن. ول وسىلاي جاساۋ ءۇشىن قىمبات شوكولادتان باس تارتقان.

4. جولىڭىزداعى كەدەرگىلەردەن ارىلىڭىز

سوناۋ ەرتە زاماندا پاتشا جۇرگىنشىلەر جولىنىڭ ناق ورتاسىنا ۇلكەن جۇمىر تاس قويۋعا بۇيىرادى. ءوزى جولدىڭ جيەگىنە تىعىلىپ، كىم الىپ تاستايتىنىن باقىلاپ تۇرادى. پاۋەسكەسى بار باي كوپەستەر تاستى اينالىپ وتەدى. كەيبىرەۋى پاتشانىڭ اقىماقتىعىن ايتىپ، مىسقىلدايدى.

كوپەستەردەن كەيىن قاپ ارقالاعان شارۋا ادامى وتپەك بولادى. قابىن شەتكە قويىپ، جۇمىر تاستى ورنىنان جىلجىتۋعا كىرىسەدى. قاتتى شارشاپ، شالدىقسا دا، جۇمىر تاستى ورنىنان جىلجىتادى. قابىن قايتادان ارقالاي بەرگەن ساتىندە تاستىڭ ورنىندا حات پەن ءبىر قاپ التىن جاتقانىن كورەدى. ول حاتتا پاتشانىڭ ءبىر قاپ التىندى وسى جۇمىر تاستى جىلجىتقان ادامعا بەرەتىندىگى جازىلعان ەكەن. ەسىڭىزدە بولسىن! ءاربىر قيىندىق بىزگە جاقسارۋعا مۇمكىندىك بەرەدى.

5. قاجەت بولسا، سۇراعانىن بەرىڭىز

وسىدان بىرنەشە جىل بۇرىن اۋرۋحانادا ەرىكتى بولىپ قىزمەت جاساپ جۇرگەنىمدە لاۋرا ەسىمدى قىزبەن تانىستىم. ول قىز جازىلمايتىن دەرتكە شالدىققان. ونى 5 جاستاعى تۋعان باۋىرىنىڭ قانىن قۇيۋ ارقىلى قۇتقارىپ قالۋعا بولاتىن ەدى. الايدا باۋىرىنىڭ مۇندايعا كەلىسۋى ەكىتالاي. دارىگەر باۋىرىنا اپكەسىنە قان بەرە الاتىندىعى تۋرالى ايتادى. باۋىرى ويلانباستان بۇل ۇسىنىسقا كەلىسەدى.

باۋىرى قان قۇيىلعان سايىن اپكەسىنىڭ ەكى بەتىنە قان جۇگىرىپ، كوڭىل- كۇيى كوتەرىلە باستاعانىن بايقايدى. ارادا ءبىراز ۋاقىت وتكەن سوڭ باۋىرى دارىگەردەن: «مەن قازىر ولەمىن بە؟» - دەپ سۇرايدى.

باۋىرى دارىگەردىڭ ءسوزىن قانىممەن قوسا جانىمدى دا بەرۋىم كەرەك دەپ تۇسىنگەن ەكەن. سابيلەردىڭ پەرىشتە ەكەنى راس. كەيدە ولاردىڭ ۇلى ۇستازداردان دا ارتىق ساباق بەرەتىن كەزدەرى بولادى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات