+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قازاقستان پرەزيدەنتى ب ۇ ۇ دەلەگاتسياسىمەن كەزدەستى

16 مامىر 20:47
:ءبولىسۋ
قازاقستان پرەزيدەنتى ب ۇ ۇ دەلەگاتسياسىمەن كەزدەستى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ب ۇ ۇ دەلەگاتسياسىمەن كەزدەستى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسى ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ اتقارۋشى حاتشىسى ارميدا اليسدجابانا باستاعان ب ۇ ۇ دەلەگاتسياسىمەن كەزدەستى.

- سىزدەرمەن نۇر-سۇلتان قالاسىندا كەزدەسكەنىمە قۋانىشتىمىن. سىزدەردىڭ ب ۇ ۇ اتىنان كەلىپ، استانا ەكونوميكالىق فورۋمىنا قاتىسقاندارىڭىز جيىننىڭ تابىستى وتۋىنە سەپتىگىن تيگىزەدى. ۇيىمىڭىزدىڭ نەگىزگى ماقسات، مىندەتتەرىن جاقسى بىلەمىن. مەن قازاقستان رەسپۋبليكاسىنىڭ سىرتقى ىستەر ءمينيسترى قىزمەتىندە بولعان كەزىمدە بىرنەشە جيىنىنا قاتىسقان بولاتىنمىن. قازاقستان ۇيىممەن اشىق جان-جاقتى ءىس-قيمىلعا دايىن، كەز كەلگەن شاراسىنا قاتىسۋعا ءازىر، - دەدى قاسىم-جومارت توقايەۆ.

ارميدا اليسدجابانا قازاقستان پرەزيدەنتىنە استانا ەكونوميكالىق فورۋمىنا شاقىرعانى ءۇشىن ب ۇ ۇ دەلەگاتسياسىنىڭ اتىنان العىس ءبىلدىرىپ، قازاقستاننىڭ باستامالارىنا قولداۋ بىلدىرەتىنىن جەتكىزدى.

كەزدەسۋگە ب ۇ ۇ باس حاتشىسىنىڭ كومەكشىسى، ەۋروپا جانە ت م د ەلدەرى بويىنشا ب ۇ ۇ دامۋ باعدارلاماسىنىڭ ايماقتىق بيۋرو ديرەكتورى م. ەگگەر، «ب ۇ ۇ - ايەلدەر» ۇيىمى اتقارۋشى حاتشىسىنىڭ ورىنباسارى و. رەگنەر، ب ۇ ۇ- نىڭ قازاقستان رەسپۋبليكاسىنداعى تۇراقتى ۇيلەستىرۋشىسى ن. شيمومۋرا، ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ سولتۇستىك جانە ورتالىق ازيا ەلدەرى بويىنشا سۋبايماقتىق وفيس باسشىسىنىڭ مىندەتىن اتقارۋشى نيكولاي پوموشنيكوۆ قاتىستى.


باستى سوزدەر: سئرتقئ ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات