ەكى دۇركىن الەم چەمپيونىنىڭ اپاتقا ۇشىراعان ءساتى ۆيدەوعا ءتۇسىپ قالعان

نۇر- سۇلتان. قازاقپارات - «فورمۋلا-1» كلاسىنداعى اۆتوشاباندوز، ەكى دۇركىن الەم چەمپيونى فەرناندو الونسو ءوزىنىڭ جارىس ماشيناسىن سوعىپ، امان قالدى، دەپ حابارلايدى euronews.

وقيعا ايگىلى «يندياناپوليس 500 ميليا» اۆتوجارىسىنا دايىندىق كەزىندە بولدى. الونسو ءۇشىنشى اينالىمدا جولدان شىعىپ كەتكەن. اۆتوشاباندوزدىڭ ايتۋىنشا، ول اسفالتپەن اجىراتقىش دەڭگەيىن دۇرىس شامالاماعان.

«بولار ءىس بولدى، سول ءۇشىن ۋاقىت جوعالتىپ الدىق. كوماندا ءۇشىن وكىنەمىن. الايدا بۇل جولى ساباق الىپ، كەلەسى جولى مىقتىراق بولامىز» ، - دەيدى فەرناندو الونسو.

 الونسو وقيعاعا قاتىستى پىكىرىن مەديتسينالىق تەكسەرىلىستەن كەيىن ءبىلدىردى. تاڭ قالارلىعى، شاباندوز ەشقانداي زارداپ شەككەن جوق. الايدا ول ساعاتىنا 340 ك م جىلدامدىقپەن قورشاۋعا سوعىلعان ەدى. الونسو «يندي 500» جارىسىنا ەكىنشى رەت قاتىسۋعا دايىندالىپ جاتىر.