ديماش قۇدايبەرگەن تۋعان ەلىنە العىس ايتتى

 نۇر - سۇلتان - ديماش قۇدايبەرگەن ماسكەۋدەگى كرەملدە وتكەن كەشىندە قازاق بولىپ تۋعانىنا ماقتاناتىنىن جەتكىزىپ، قازاق حالقىنا العىس ايتتى. ۇلتىنىڭ ۇلى بولىپ تۋعان ول بارشا قازاقتى جاقسى كورەتىنىن جاسىرمادى.

"شىن جۇرەگىمنەن ۇستازدارىما، اتا- اناما، عاجاپ، ۇلى قازاق حالقىنا راحمەت ايتقىم كەلەدى. دوستار، مەن قازاق بولعانىما ماقتانامىن"، - دەيدى ونەر يەسى.

"نە دەگەن وتانشىلدىق، ۇلتشىلدىق. قازاقتار سەندەرگە قىزعانىشپەن قارايمىن. قىرعىز بولماعانى وكىنىشتى. ديماشتان ۇلگى الىڭدار. ول عاجاپ ادام"، - دەپ قىزعانىش بىلدىرگەندەر دە بولدى.