بەردىبەك ساپاربايەۆ ەڭبەك نارىعىنا وزگەرىستەر اكەلۋى مۇمكىن جاھاندىق سىن- قاتەرلەردى اتادى
«ەگەر الداعى پەرسپەكتيۆالار تۋرالى ايتاتىن بولساق، ەڭبەك نارىعىنا وزگەرىستەر اكەلۋى مۇمكىن جاھاندىق سىن- قاتەرلەرگە توقتالىپ وتكەنىمىز ءجون. ءبىرىنشى سىن- قاتەر سيفرلاندىرۋدى جانە 4.0 يندۋسترياسى، جاساندى ينتەللەكت جانە روبوتوتەحنيكا سياقتى تەحنولوگيالاردى دامىتۋمەن بايلانىستى. ەكپىندى تەحنولوگيالىق دامۋ جۇمىس كۇشىنىڭ بىلىكتىلىگى مەن داعدىلارىنا قويىلاتىن تالاپتاردى وزگەرتەدى. ولار كاسىپتىك داعدىلارمەن قاتار، قوسىمشا داعدىلار تىزبەگىن يگەرۋگە ءتيىس» ، - دەدى مينيستر.
ونىڭ ايتۋىنشا، ەكىنشى سىن- قاتەر ەڭبەك رەسۋرستارى قۇرىلىمىنداعى دەموگرافيالىق وزگەرىستەرگە نەگىزدەلگەن.
«بۇكىل الەمدە 60 جاستان اسقان حالىق سانىنىڭ جانە بەلسەندىلىگىنىڭ ءوسۋى بايقالادى. ءوسىپ كەلە جاتقان جاس ۇرپاق قاجەتتى داعدىلاردى يگەرۋگە ءتيىس. ەڭبەك نارىعىندا جۇمىس كۇشىنىڭ ينكليۋزيۆتىلىگى ارتىپ كەلەدى. ايەلدەردىڭ، قارتتار مەن مۇمكىندىكتەرى شەكتەۋلى ادامداردىڭ ەكونوميكالىق بەلسەندىلىگى وسۋدە. گيگ- ەكونوميكا دامىپ كەلەدى، ول «فريلانسەرلەر» سانىنىڭ كوبەيۋى رەتىندە بىلىنەدى» ، - دەدى ول.
ب. ساپاربايەۆ قازاقستان الداعى وزگەرىستەرگە دايىن بولۋى قاجەتتىگىن ايتتى.
«سونىمەن قاتار، ەڭبەك نارىعىنداعى وزگەرىستەردىڭ ىقپالى دامۋشى مەملەكەتتەردە، ونىڭ ىشىندە قازاقستاندا دامىعان ەلدەرگە قاراعاندا باياۋ بولاتىنىن اتاپ وتكەن ءجون» ، - دەدى مينيستر.