+7 (701) 759 90 19 Лента
10 °С : استانا
17 °С : الماتى
USD 383.43 EUR 429.83
RUB 5.96 CNY 55.39
جاڭالىقتار

كوز جاسى ارىقتاۋعا كومەكتەسەدى - زەرتتەۋ

16 مامىر 14:57 189
:ءبولىسۋ
كوز جاسى ارىقتاۋعا كومەكتەسەدى - زەرتتەۋ

نۇر-سۇلتان. قازاقپارات - كوز جاسى ارىقتاۋعا كومەكتەسەدى. بۇل تۋرالى زەرتتەۋلەرگە سۇيەنىپ Stern نەمىس جۋرنالى جازادى، دەپ حابارلايدى قازاقپارات.

«ادامدار ءارتۇرلى سەبەپپەن جىلايدى. عالىمدار دا كوز جاسى تۋرالى ءتۇرلى زەرتتەۋلەر جۇرگىزىپ كەلەدى. ماماندار انىقتاعانداي، قۋانىشتان نەمەسە دەنە جاراقاتىنان پايدا بولعان كوز جاسى تۇرلەرىنىڭ اتاۋلارى بار جانە ولاردىڭ حيميالىق قۇرامى ءارتۇرلى كەلەدى. عالىمدار انىقتاعانداي، كوز جاسى ەموتسيالىق تۇرعىدان عانا ەمەس، ارىقتاۋ ءۇشىن دە پايدالى»، دەپ جازادى باسىلىم.

ماقالا اۆتورىنىڭ سوزىنشە، «پسيحولويالىق كوز جاسى» ياعني، كۇيزەلىس، قايعى نەمەسە كوڭىلسىزدىكتەن اعاتىن كوز جاسى ادام اعزاسىنا ەرەكشە اسەر ەتەدى.

«كاليفورنيا وفتالمولوگى دوكتور اارون نويفەلدتىڭ ايتۋىنشا، پسيحولوگيالىق كوز جاسى گورموندارعا اسەر ەتەدى. ەموتسيونالدى قيىن جاعدايدا ادام اعزاسىندا كورتيزول اتتى گورمون كوبەيەدى. بۇل مايدىڭ ارتۋىنا الىپ كەلەدى. سول سەبەپتى ادام پسيحولوگيالىق ديسكومفورت كەزىندە شوكولاد نەمەسە فاست-فۋد جەيدى. دەگەنمەن، ەگەر وسىنداي جاعدايدا ادام ەموتسياسىنا ەرىك بەرىپ، جىلاپ السا، كوز جاسى «كورتيزولدى» شايىپ كەتەدى. ياعني، ونىڭ اعزاداعى مولشەرى قالپىنا كەلىپ، ارتىق سالماق ازايا باستايدى»، دەپ جازىلعان ماقالادا.

اتاپ وتىلگەندەي، ادەيى جىلاۋ ارىقتاۋعا كومەكتەسە المايدى. ياعني، ول ەشقانداي گورمونعا اسەر ەتپەيدى.

«بۇل زەرتتەۋ ادام ءوز ەموتسياسىن باسىپ تاستاماۋ كەرەكتىگىن كورسەتەدى. ياعني، كەرەك كەزدە جىلاپ العاننىڭ دا پايداسى بار»، - دەپ جازادى اۆتور.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات