+7 (701) 759 90 19 Лента
15 °С : استانا
19 °С : الماتى
USD 378.93 EUR 423.00
RUB 5.87 CNY 54.82
جاڭالىقتار

بيلىك ترانزيتى بەيبىت جاعدايدا ءوتىپ جاتىر - نۇرسۇلتان نازاربايەۆ

16 مامىر 13:57 202
:ءبولىسۋ
بيلىك ترانزيتى بەيبىت جاعدايدا ءوتىپ جاتىر - نۇرسۇلتان نازاربايەۆ

نۇر-سۇلتان. قازاقپارات - ق ر تۇڭعىش پرەزيدەنتى - ەلباسى نۇرسۇلتان نازاربايەۆ ەلوردادا XII استانا ەكونوميكالىق فورۋمىندا ەلدەگى بيلىك ترانزيتى جونىندە ايتىپ بەردى، دەپ حابارلايدى قازاقپارات ءتىلشىسى.

«قازىرگى ا ە ف- ءتىڭ ەرەكشە ماڭىزى بار جانە ول تاريحي ساتتە ءوتىپ جاتىر. وزدەرىڭىز بىلەتىندەي، مەن بۇل شاراعا پرەزيدەنت رەتىندە قاتىسىپ وتىرعان جوقپىن. ەلىمىز بەن حالقىمىزدىڭ مۇددەسى ءۇشىن مەن وتە ماڭىزدى شەشىم قابىلدادىم. تاۋەلسىزدىك جىلدارى ەلەۋلى وزگەرىستەرگە قول جەتكىزدىك. قازاقستان الەم كارتاسىندا بەدەلدى، تانىمال مەملەكەتكە اينالدى. ءبىز العاش رەت سەمەيدەگى يادرولىق پوليگوندى جاپتىق، الەمدەگى ءتورتىنشى يادرولىق-عارىشتىق ارسەنالدان باس تارتتىق»، - دەپ اتاپ ءوتتى ەلباسى.

ونىڭ ايتۋىنشا، ءدال وسى باستامالار قازاقستانعا سەنىم مەن سىيلى قارىم-قاتىناس سىيلادى.

«العاش رەت ەلىمىزدىڭ جاڭا تاريحىندا كونستيتۋتسياعا سايكەس دەموكراتيالىق جولمەن بەيبىت جاعدايدا بيلىك ترانزيتىن جۇرگىزۋدەمىز. بۇل رەتتە ماعان حابارلاسىپ، حات جازىپ، قولداۋ بىلدىرگەن الەم ەلدەرىنىڭ ساياساتكەرلەرىنە العىس ايتامىن»، - دەدى ن. نازاربايەۆ.

ەسكە سالا كەتسەك، ەلوردادا XII استانا ەكونوميكالىق فورۋمى «ىنتالاندىرۋشى ءوسۋ: ادامدار، قالالار، ەكونوميكالار» تاقىرىبىندا ءوتىپ جاتىر. فورۋم جۇمىسىنا الەمنىڭ 74 ەلىنەن ساراپشىلار، ساياساتكەرلەر، بيزنەسمەندەر مەن عالىمدار قاتىسۋدا.

فورۋمعا قاتىساتىن شەتەلدىك قوناقتار قاتارىندا حالىقارالىق ۆاليۋتا قورىنىڭ باسقارۋشى ديرەكتورى كريستين لاگارد، قىتاي حالىق رەسپۋبليكاسى مەملەكەتتىك كەڭەسىنىڭ ۆيتسە-پرەمەرى حان چجەن، ارمەنيا رەسپۋبليكاسىنىڭ پرەزيدەنتى ارمەن ساركيسيان، Nokia Corporation ديرەكتورلار كەڭەسىنىڭ ءتوراعاسى ريستو سيلاسماا، ەكونوميكا بويىنشا نوبەل سىيلىعىنىڭ لاۋرەاتى سىندى تانىمال تۇلعالار بار.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات