قاسىم- جومارت توقايەۆ ارمەنيا پرەزيدەنتى ارمەن ساركيسيانمەن كەزدەستى

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ارمەنيا پرەزيدەنتى ارمەن ساركيسيانمەن كەزدەستى. بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

قازاقستان پرەزيدەنتى ارمەنيا باسشىسىنا استانا ەكونوميكالىق فورۋمىنا قاتىسۋعا كەلگەنى ءۇشىن ريزاشىلىعىن ءبىلدىرىپ، ەكى ەل اراسىنداعى ىنتىماقتاستىق ماسەلەلەرىنە توقتالدى.

«قازاقستاندا ارميان ۇلتىنىڭ وكىلدەرى وزگە ەتنوستارمەن جاراسىمدى ءومىر ءسۇرىپ، ەلىمىزدىڭ الەۋمەتتىك- ەكونوميكالىق دامۋىنا زور ۇلەس قوسىپ كەلەدى. ەكىجاقتى ىنتىماقتاستىقتىڭ باستاۋىندا تۇڭعىش پرەزيدەنت - ەلباسى نۇرسۇلتان نازاربايەۆ تۇر. سول كىسىنىڭ يدەياسىنىڭ نەگىزىندە قۇرىلعان ەۋرازيالىق ەكونوميكالىق وداق اياسىنداعى ىنتىماقتاستىعىمىز دا ارتىپ كەلەدى. سونىمەن قاتار ب ۇ ۇ سياقتى عالامدىق، ۇجىمدىق قاۋىپسىزدىك شارتى ۇيىمى سىندى ايماقتىق ۇيىمداردا دا ۇستانىمىمىز جاقىن»، - دەدى قاسىم- جومارت توقايەۆ.

АХҚО елдеріміздің экономикалық байланысын арттыра түсетініне сенімдімін - Армен Саркисян

ارمەن ساركيسيان تاراپتاردىڭ ەكونوميكالىق بايلانىسىن ارتتىرۋدا «استانا» حالىقارالىق قارجى ورتالىعىنىڭ ماڭىزى زور ەكەنىن ايتتى.

«ءبىز حالىقارالىق ۇيىمدار اياسىندا دا، ەكىجاقتى قارىم- قاتىناستا دا ىنتىماقتاسا جۇمىس ىستەپ كەلەمىز. استانا قارجى ورتالىعىنىڭ قۇرىلۋى ەكى ەل اراسىنداعى ەكونوميكالىق بايلانىستاردى ودان ءارى دامىتا تۇسەتىنىنە سەنەمىن»، - دەدى ارمەن ساركيسيان.

تاراپتار ەكى ەل اراسىنداعى ساۋدا اينالىمىنىڭ وتكەن جىلى 30 پايىزعا ارتقانىن اتاپ ءوتىپ، الداعى ۋاقىتتا وسى باعىتتاعى ىنتىماقتاستىقتى كەڭەيتە بەرۋگە ۋاعدالاستى.

سوڭعى جاڭالىقتار