+7 (701) 759 90 19 Лента
1 °С : استانا
17 °С : الماتى
USD 378.87 EUR 422.40
RUB 5.87 CNY 54.85
جاڭالىقتار

يران يادرولىق كەلىسىمدى ورىنداۋدى توقتاتتى

16 مامىر 11:05 244
:ءبولىسۋ
يران يادرولىق كەلىسىمدى ورىنداۋدى توقتاتتى

نۇر-سۇلتان. قازاقپارات - يران يادرولىق كەلىسىمنىڭ ءبىر بولىگىن ورىنداۋدان باس تارتپاق. بۇل تۋرالى Reuters يراننىڭ ISNA اقپارات اگەنتتىگىنە سىلتەمە جاساپ حابارلادى.

ISNA اگەنتتىگىنىڭ دەرەككوزى «بۇل شەشىم ەلدىڭ قاۋىپسىزدىك كەڭەسىنىڭ باستاماسىمەن قابىلدانعانىن» ايتادى. دەرەكوزدىڭ سوزىنشە، ەندى يران بيلىگى ۋراندى ءوندىرىسىن ارتتىرۋعا بۇيرىق بەرە الادى

وتكەن اپتادا رەسمي تەگەران قىتاي، فرانسيا، گەرمانيا جانە ۇلى بريتانيادان ا ق ش سانكسيالارىنىڭ سالدارىنان شەككەن شىعىندى وتەۋدى سۇراعان. يران ەگەر قىتاي، فرانسيا، گەرمانيا، ۇلى بريتانيا 60 كۇننىڭ ىشىندە كومەكتەسپەسە، يادرولىق باعدارلاماسىن قايتا باستايتىنىن ايتقان.

گەرمانيا، فرانسيا، ۇلى بريتانيا سىرتقى ىستەر مينيسترلەرى يران كەلىسىمىندەگى شارتتاردى تولىق ساقتايتىنىن، تەگەرانعا ەشقانداي سانكسيا سالمايتىنىن مالىمدەدى.

2015 -جىلى قابىلدانعان يران كەلىسىمىنە ساي، تەگەران ۋران ءوندىرىسىن ازايتۋى ءتيىس. ال ا ق ش جانە ەۋروپا وداعى يرانعا سالىنعان سانكسيالاردى الۋى كەرەك. ءبىراق 2018 -جىلى ا ق ش پرەزيدەنتى دونالد ترامپ بۇل كەلىسىمنەن شىعاتىنىن جاريالاعان. كەلىسىمدە يران، رەسەي، قىتاي، فرانسيا، ۇلى بريتانيا، گەرمانيا قالعان.

www.azattyq.org


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
مۇراعات