+7 (701) 759 90 19
3 °С : نۇر-سۇلتان
4 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

يسپانيانىڭ قاي قالاسىندا ءبىلىم الاتىن قازاقستاندىقتار كوپ

16 مامىر 09:16
:ءبولىسۋ
يسپانيانىڭ قاي قالاسىندا ءبىلىم الاتىن قازاقستاندىقتار كوپ

نۇر-سۇلتان. قازاقپارات - قازاقستاندىق جاستار تاراپىنان يسپانيادا ءبىلىم الۋعا دەگەن سۇرانىس جوعارى. ەۋروپانىڭ ىرگەلى ەلىنىڭ ءبىلىمى جايلى س ءى م- دە وتكەن باسپا ءسوز ءماسليحاتىندا قازاقستاننىڭ يسپانياداعى جانە اندورراداعى ەلشىسى قىزمەتىن قوسا اتقارۋشى كونستانتين جيگالوۆ كەڭىرەك ءسوز قوزعادى، دەپ حابارلايدى قازاقپارات ءتىلشىسى.

«يسپانياعا دەگەن قىزىعۋشىلىق ءبىزدىڭ ەلدە جوعارى. الايدا كوپتەگەن ج و و- لاردا وقۋدىڭ يسپان تىلىندە جۇرگىزىلۋى ەداۋىر كەدەرگى كەلتىرىپ تۇرعانىن اتاپ ءوتۋ كەرەك. جۋىردا عانا مەن كاديس قالاسىنداعى ۋنيۆەرسيتەتتە بولدىم. كاديس دەگەن يسپانيانىڭ شاعىندا بولسا ەجەلگى شاھارلارىنىڭ ءبىرى. سول جەردە ءبىزدىڭ ەلدىڭ ستۋدەنتتەرىمەن كەزدەستىم. سويتسەم، كاديس قالاسىنداعى ۋنيۆەرسيتەتتە قازاقستاننىڭ 8 ستۋدەنتى وقيدى ەكەن. سوڭعى ون جىلدا 140 بالا كاديستەگى ءبىر عانا ۋنيۆەرسيتەتتە ءبىلىم الىپتى. البەتتە، كوپشىلىك بارسەلونا مەن مادريدكە قىزىعادى. ستۋدەنتتەردىڭ باسىم شوعىرى ءىرى قالالاردا ءبىلىم الىپ جاتىر»، - دەيدى ەلشى.

ديپلومات سونىمەن قاتار يسپانيادا قازاقستاندىقتار فۋتبولدىڭ قىر-سىرىن قالاي مەڭگەرىپ جاتقانىن دا ايتىپ بەردى.

«ءبىزدىڭ ەلدىڭ جاستارى قازىرگى ۋاقىتتا برازيليادا، تۇركيادا، يسپانيادا فۋتبول ءبىلىمىن مەڭگەرۋ ۇستىندە. بىزدە بەلگىلى ءبىر دارەجەدە «بارسەلونا» كلۋبىمەن بايلانىس تا ورناپ قالعان (...) بۇگىنگى كۇنى كانار ارالدارىندا ءبىر ادامدى قۇرمەتتى كونسۋل رەتىندە بەكىتىپ قويۋدى ويلاستىرىپ وتىرمىز. ول كەزىندە «بارسەلونا» ساپىندا دوپ تەپكەن. ءبىزدىڭ جاستارىمىز يسپانيادا فۋتبولدى مەڭگەرە الاتىنداي جاعداي جاساۋ ءۇشىن سول كىسىگە ۇسىنىس جاساماق ويىمىز بار»، - دەيدى ول.

ەسكە سالا كەتسەك وسى بريفينگتە كونستانتين جيگالوۆ قازاقستاننان يسپانياعا جىلىنا قانشا تۋريست باراتىنىن ايتىپ بەرگەن بولاتىن.


باستى سوزدەر: ءبىلىم جانە عىلىم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات