+7 (701) 759 90 19 Лента
11 °С : استانا
18 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

الماتىدا حالىقارالىق «بولات تۇرلىحانوۆ كۋبوگى» وتەدى

16 مامىر 08:11 159
:ءبولىسۋ
الماتىدا حالىقارالىق «بولات تۇرلىحانوۆ كۋبوگى» وتەدى

نۇر-سۇلتان. قازاقپارات - الماتىدا 25-26- مامىر كۇندەرى گرەك-ريم كۇرەسىنەن ءداستۇرلى حالىقارالىق «بولات تۇرلىحانوۆ كۋبوگى» وتەدى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەيىك، اتالعان تۋرنيردىڭ العاش رەت 1994-جىلى جالاۋى جەلبىرەگەن بولاتىن. بيىل مىنە، جيىرما بەسىنشى رەت وتكەلى وتىر.

بۇكىل الەمدىك كۇرەس كەڭەسىنىڭ (UWW) كۇنتىزبەسىنە ەنگىزىلگەن «بولات تۇرلىحانوۆ كۋبوگى» تەك وليمپيادالىق التى سالماقتا (59، 67، 77، 87، 97 جانە 130 كەلى) وتەدى.

بيىلعى ءدۇبىرلى دوداعا ەلىمىزدىڭ ۇزدىك بالۋاندارىمەن قوسا گرەك-ريم كۇرەسىندە الەمدە كوشباسشى ەلدەر سانالاتىن رەسەي، يران، كورەيا، ارمەنيا، بەلارۋس، قىرعىستان، وزبەكستان جانە تاعىدا وزگە ەلدەردىڭ كۇرەس شەبەرلەرى قاتىسادى.

بۇكىل الەمدىك كۇرەس كەڭەسىنىڭ (UWW) رەسمي سايتىنىڭ حابارلاۋىنشا، تۋرنيردىڭ جەڭىمپازدارى مەن جۇلدەگەرلەرىنە مەدالدار مەن ديپلومداردان بولەك، ارنايى قارجىلاي سىياقى بەرىلەدى.

ايتا كەتەيىك، بولات تۇرلىحانوۆ - قازاق س س ر- نىڭ ەڭبەك سىڭىرگەن جاتتىقتىرۋشىسى. سەمەي وڭىرىندە دۇنيەگە كەلىپ، 1956-جىلى قازاق دەنە شىنىقتىرۋ ينستيتۋتىن ءتامامداعان. سانالى عۇمىرىندا تالاي ساقا بالۋانداردى باپتاپ، قازاق بالۋاندارىنىڭ جەڭىسكە دەگەن جىگەرىن جانىعان، الدىعا بيىك ماقسات قويا ءبىلىپ، اسقاق ارمانعا جەتۋلەرىنە زور ۇلەس قوسقان تۇلعا.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات