+7 (701) 759 90 19 Лента
24 °С : استانا
24 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

قازاقستان مەن قىتايدىڭ ەكىجاقتى ەكونوميكالىق ماسەلەلەرى تالقىلاندى

15 مامىر 22:02 257
:ءبولىسۋ
قازاقستان مەن قىتايدىڭ ەكىجاقتى ەكونوميكالىق ماسەلەلەرى تالقىلاندى

نۇر-سۇلتان. قازاقپارات - قازاقستان رەسپۋبليكاسىنىڭ پرەمەر-ءمينيسترى اسقار مامين قىتايدىڭ كوممۋنيستىك پارتياسىنىڭ ورتالىق كوميتەتىنىڭ ساياسي بيۋروسىنىڭ تۇراقتى كوميتەتىنىڭ مۇشەسى، قىتاي حالىق رەسپۋبليكاسىنىڭ مەملەكەتتىك كەڭەسىنىڭ پرەمەرىنىڭ ورىنباسارى حان چجەنمەن(Hán Zhèng) كەلىسسوزدەر جۇرگىزدى، دەپ حابارلايدى قازاقپارات primeminister.kz-گە سىلتەمە جاساپ.

كەزدەسۋدە ەكىجاقتى ەكونوميكالىق قارىس-قاتىناستاردى دامىتۋدىڭ، شەكارا ماڭى ىنتىماقتاستىعىن، ونىڭ ىشىندە «قورعاس» حالىقارالىق شەكارا ماڭى ىنتىماقتاستىعى ورتالىعىن دامىتۋ ارقىلى دا تەرەڭدەتۋدىڭ وزەكتى ماسەلەلەرى تالقىلاندى.

«نۇرلى جول» ەكونوميكالىق ساياساتىن جانە «بەلدەۋ جانە جول» ستراتەگياسىن قوسارلاۋ اياسىنداعى يندۋستريالىق- يننوۆاتسيالىق ىنتىماقتاستىققا ەرەكشە كوڭىل ءبولىندى. بارلىعى جالپى سوماسى $27 ميللياردقا 55 قازاقستاندىق- قىتايلىق جوبا ىسكە اسىرىلاتىن بولادى. 2015 -جىلدان 2018 -جىل ارالىعىندا $3,8 ميلليارد سوماسىنا 12 جوبا پايدالانۋعا بەرىلدى، بيىل $310 ميلليونعا 5 جوبانى ىسكە قوسۋ جوسپارلانعان. ولاردىڭ ىشىندە كۇن ەلەكتر ستانسيالارىنىڭ، گەس، زاماناۋي ەت كومبيناتى كەشەنىنىڭ قۇرىلىسى بار. $5,5 ميلليارد سوماسىنا 11 جوبا جۇزەگە اسىرىلۋ ۇستىندە. $18,1 ميلليارد تەڭگە سوماسىنا قالعان جوبالار بويىنشا دايىندىق جۇمىستارى جۇرگىزىلىپ جاتىر. جالپى، جوبالاردى ىسكە اسىرۋ 20 مىڭعا جۋىق جاڭا جۇمىس ورنىن قۇرۋعا مۇمكىندىك بەرەدى.

ساۋدا- ەكونوميكالىق ىنتىماقتاستىقتى ودان ءارى ىلگەرلەتۋ ءۇشىن تاراپتار بۇگىن الماتى قالاسىندا ەكى ەلدىڭ مەملەكەتتىك ورگاندارى مەن بيزنەس قۇرىلىمدارىنىڭ 400 دەن استام وكىلدەرىنىڭ، ونىڭ ىشىندە سىچۋان جانە شانشي قىتاي پروۆينسيالارىنىڭ، گۋاڭشي- جۋاڭزۋ، شىڭجاڭ-ۇيعىر اۆتونومدى اۋداندارىنىڭ باسشىلارىنىڭ قاتىسۋىمەن ءوتىپ جاتقان II ق ر - ق ح ر ايماقارالىق ىنتىماقتاستىق فورۋمىنىڭ ماڭىزدىلىعىن اتاپ ءوتتى. سونىمەن قاتار، ا. مامين قىتاي دەلەگاتسياسىنىڭ الداعى XII استانا ەكونوميكالىق فورۋمىنا قاتىسۋى ەكىجاقتى ىنتىماقتاستىقتى دامىتۋعا زور قارقىن بەرەتىنىن ايتتى.

كەلىسسوزدەر بارىسىندا ق ر ۇكىمەتىنىڭ باسشىسى كولىك-لوگيستيكالىق كومپەتەنسيالار مەن ترانزيتتىك دالىزدەردى، ەنەرگەتيكانى، ونەركاسىپتى، اگروونەركاسىپ كەشەنىن دامىتۋداعى ءوزارا ءىس- قيمىلدى كۇشەيتۋدىڭ، اسىرەسە، قازاقستاندىق اۋىل شارۋاشىلىعى ونىمدەرىنىڭ ەكسپورتىن ۇلعايتۋدىڭ قاجەتتىگىن اتاپ ءوتتى.

«قىتاي - قازاقستاننىڭ ءىرى سىرتقى ساۋدا سەرىكتەسى. 2018 -جىلى قر مەن قحر اراسىنداعى تاۋار اينالىمى %11,1 عا ۇلعايىپ، $11,7 ميلليارد كورسەتكىشىنە جەتتى. بيىلعى ەكى ايدىڭ قورىتىندىسى بويىنشا ساۋدا-ساتتىق كولەمى $2 ميلليارد قۇرادى، بۇل 2018 -جىلدىڭ سايكەس كەزەڭىندەگى كورسەتكىشتەن %12,1 عا جوعارى. - ءبىز وسىنداي وڭ قارقىننىڭ ساقتالۋىنا مۇددەلىمىز»، - دەدى ا. مامين.

 


باستى سوزدەر: الةم, ئقپالداستئق, ةكونوميكا,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات