اتاقتى ءانشى اندرەا بوچەللي ديماش قۇدايبەرگەنگە بەيجىڭدە باتاسىن بەردى

None
None
نۇر-سۇلتان. قازاقپارات - ديماش قۇدايبەرگەن تانىمال يتاليالىق ءانشى، كلاسسيكا جانە كەڭىنەن تارالعان مۋزىكالاردىڭ ورىنداۋشىسى اندرەا بوچەلليمەن بەيجىڭدە كەزدەستى، دەپ حابارلايدى قازاقپارات ءتىلشىسى.

«اندرەا بوچەللي اعامىزبەن ساحنا سىرتىندا كورىستىك. اعامىز مەنىڭ شىعارماشىلىعىمدى قولداپ جۇرەتىندىگىن ايتىپ، باتاسىن بەردى. كورگەنىمە قۋانىشتىمىن اڭىز تۇلعا!»، - دەپ جازدى ديماش قۇدايبەرگەن Instagram پاراقشاسىندا.

«سەنىڭ قالاي ءان شىرقايتىنىڭدى ەستىدىم. قاتتى تاڭعالدىم، سەنىڭ داۋىسىڭ كەرەمەت»، - دەدى اندرەا بوچەللي قازاقستاندىق ءانشى بولىسكەن ۆيدەودا.

ايتا كەتەيىك، بەيجىڭدە بۇگىن ازيا مادەنيەتىنىڭ كارناۆالى ءوتىپ جاتىر. ءىس-شاراعا تانىمال قىتايلىق جانە الەمدىك انشىلەر قاتىسىپ جاتىر. ازيا مادەنيەتى كارناۆالىنىڭ اشىلۋ سالتاناتىندا ديماش قۇدايبەرگەن بىرنەشە انشىمەن بىرگە ءان شىرقايدى.

سوڭعى جاڭالىقتار