قازاقستاندا كوپىر ۇرلاعان ادام سوتتالدى

اقتاۋ. قازاقپارات - جاڭاوزەن قالالىق سوتىندا كوپىر ۇرلاعان ازاماتتىڭ ءىسى قارالدى، دەپ حابارلايدى قازاقپارات ماڭعىستاۋ وبلىستىڭ سوتىنىڭ سايتىنا سىلتەمە جاساپ.

سوتتا انىقتالعانداي، ۇرى جاڭاوزەن قالاسىنداعى تەمىرجول بەكەتىنىڭ №13 ءورت ءسوندىرۋ ءبولىمىنىڭ كۇزەتىلەتىن ايماعىنداعى كوپىردى جۇك كولىگىنە تيەپ، وقيعا ورنىنان ءىزىن سۋىتقان.

 ۇزىندىعى - 14 ەنى مەن بيىكتىگى 2 مەتر، جالپى سالماعى 12 توننا تارتاتىن كوپىر «قازاقستان تەمىر جولىنا» تيەسىلى بولعان.

 وسىلايشا ب. اتالمىش مەكەمەگە 708 750 تەڭگە ماتەريالدىق زالال كەلتىرگەن.

جاڭاوزەن قالالىق سوتىنىڭ ۇكىمىمەن ب. ق ر قىلمىستىق كودەكسىنىڭ 188-بابىنىڭ 1-بولىگىمەن كىنالى دەپ تانىلىپ، وعان 505000 تەڭگە ايىپپۇل جازاسى تاعايىندالدى. ۇرلانعان كوپىر مەكەمەگە قايتارىلدى.

ۇكىم زاڭدى كۇشىنە ەنگەن جوق.