18:06, 15 - مامىر 2019 | GMT +6
كورنەكتى اقىن ەسەنعالي راۋشانوۆ ت م د سىيلىعىن الدى
اشعابات. قازاقپارات - تانىمال اقىن ەسەنعالي راۋشانوۆ ت م د سىيلىعىن الدى، دەپ حابارلايدى قازاقپارات قازاقستان جازۋشىلار وداعىنا سىلتەمە جاساپ.
«تۇرىكمەنستان استاناسى اشعابات قالاسىندا تاۋەلسىز مەملەكەتتەر دوستاستىعىنا مۇشە ەلدەردىڭ شىعارماشىلىق جانە عىلىمي ينتەلليگەنتسياسىنىڭ XIV فورۋمى اياسىندا كورنەكتى اقىن، جازۋشى، ق ر مەملەكەتتىك سىيلىعىنىڭ لاۋرەاتى ەسەنعالي راۋشانوۆ ت م د ەلدەرى مەملەكەتارالىق گۋمانيتارلىق ىنتىماقتاستىق قورىنىڭ «دوستاستىق جۇلدىزدارى» («زۆەزدى سودرۋجەستۆا» ) مەملەكەتارالىق سىيلىعىمەن ماراپاتتالدى» ، دەلىنگەن حابارلامادا.
سىيلىق قۇرىلتايشىسى، ت م د ەلدەرى مەملەكەتارالىق گۋمانيتارلىق ىنتىماقتاستىق قورىنىڭ ارنايى مالىمدەۋىنشە، اتالعان سىيلىقتىڭ تابىس ەتىلۋى ە. راۋشانوۆتىڭ مادەنيەت جانە ونەر سالاسىنداعى جاسامپاز ەڭبەگى مەن جەتىستىكتەرىن ت م د ەلدەرىنىڭ جوعارى باعالايتىنىن كورسەتەدى.