20:50, 15 - مامىر 2019 | GMT +6
جۇزدەن اسا شەگە جەگەن ەر ادام امان قالدى
نۇر - سۇلتان - قازاقپارات -ءۇندىستاننىڭ بۋندي قالاسىندا دارىگەرلەر ناۋقاستىڭ اسقازانىنان جۇزدەن اسا شەگە الىپ شىقتى.
43 جاستاعى ناۋقاس بحولا شانكار ءىشى اۋىراتىنىن ايتىپ، اۋرۋحاناعا جەتكىزىلدى. رەنتگەن تۇسىرىلىمىندە ونىڭ ءىشى مەن اسقازانىندا ءارتۇرلى زاتتار بارى بايقالادى.
ەر ادامدى وتاعا دايىندادى. حيرۋرگتەر اسقازانىنان 5 سانتيمەترلىك 116 شەگە الىپ شىقتى. ودان بولەك مەتالل بولشەكتەر، سىمدار الىندى. ناۋقاس مۇنداي زاتتاردىڭ اسقازانىندا قايدان جۇرگەنىن تۇسىندىرە المادى.
قازىر جاعدايى جاقسى. دارىگەرلەر تەمىر زاتتاردىڭ ناۋقاستىڭ ىشكى مۇشەلەرىن زاقىمداماعانىن ايتادى. زاقىمداعان جاعدايدا ناۋقاس ءولىپ كەتۋى مۇمكىن ەدى.
ءىنىسى شانكاردىڭ ەكى جىلدان بەرى پسيحيكالىق ءدارى ءىشىپ جۇرگەنىن ايتتى. دارىگەرلەر ناۋقاستى شيزوفرەنيامەن اۋىرادى دەپ بولجادى.