+7 (701) 759 90 19
-4 °С : نۇر-سۇلتان
3 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

شەتەلگە شىعۋعا تىيىمنىڭ بار- جوعىن تەلەگرام ارقىلى تەكسەرۋگە بولادى

15 مامىر 16:09
:ءبولىسۋ
شەتەلگە شىعۋعا تىيىمنىڭ بار- جوعىن تەلەگرام ارقىلى تەكسەرۋگە بولادى

نۇر- سۇلتان. قازاقپارات - شەتەلگە شىعۋعا تىيىم سالىنعان- سالىنباعانىن Telegram ارقىلى تەكسەرۋگە بولادى، دەپ حابارلايدى قازاقپارات «ازاماتتارعا ارنالعان ۇكىمەت» ك ە ا ق باسپا ءسوز قىزمەتىنە سىلتەمە جاساپ.

كەزەكتى ەڭبەك دەمالىسى قارساڭىندا شەتەلدە دەمالىپ، تۋريستىك ساپارعا شىعۋدى جوسپارلاعان قازاقستاندىقتار بورىشكەرلەر تىزىمىندە بار- جوعىن الدىن الا تەكسەرگەنى ابزال.

«مۇنى ازاماتتار بىرنەشە ءتاسىل ارقىلى تەكسەرە الادى. سولاردىڭ ءبىرى - Telegram قوسىمشاسىنداعى @EgovKzBot. بوت قىزمەتىن تاڭداعاننان كەيىن پايدالانۋشى «بورىشكەرلەر ءتىزىلىمى جانە شەت ەلگە شىعۋعا تىيىم سالۋ بويىنشا تەكسەرۋ» سەرۆيسىنە ءوتىپ، جەكە سايكەستەندىرۋ ءنومىرىن ەنگىزۋى قاجەت. بورىشكەرلەر تىزىمىندە بولماعان جاعدايدا، اۆتوماتتاندىرىلعان اقپاراتتىق جۇيە بەرىلگەن ج س ن بويىنشا ەشقانداي دەرەكتەردىڭ تابىلماعانى جونىندە حابارلاما جىبەرەدى. بوت ارقىلى ساپارعا بىرگە شىعاتىن تۋىسقاندارىڭىزدىڭ نە دوستارىڭىزدىڭ دا بەرەشەگىن تەكسەرۋگە بولادى. كەرەكتى اقپارات سۇراۋ جىبەرىلگەننەن كەيىن بىردەن كورسەتىلەدى» دەلىنگەن حابارلامادا.

ايتا كەتەيىك، ءبىر جىل بۇرىن ىسكە قوسىلعان @EgovKzBot تى 300 مىڭعا جۋىق قازاقستاندىق قولدانىپ ۇلگەردى. بوت قىزمەتىن پايدالانۋ ءۇشىن قازاقستاندىقتار ءموبيلدى ازاماتتار بازاسىندا تىركەلۋى شارت. بۇگىندە ول بازاعا 6,8 ميلليون ادام ءوز مالىمەتتەرىن ەنگىزگەن.

سونىمەن قاتار، ەلەكتروندى سيفرلىق قولتاڭبا يەلەرى egov.kz پورتالىنداعى جەكە كابينەتى ارقىلى ايىپپۇلدىڭ بار- جوعىن تەكسەرىپ، بەرەشەك انىقتالعان جاعدايدا، پورتال ارقىلى قارىزىن وتەي الادى.

ەستەرىڭىزگە سالا كەتەيىك، قازاقستان اۋماعىنان تىس جەرگە شىعۋعا شەكتەۋ سالىق، ايىپپۇل نەمەسە باسقا ادامدار الدىندا سوتقا جۇگىنۋگە دەيىن اپارعان قارىزدار، اليمەنت، سونىمەن قاتار كوممۋنالدىق قىزمەتتەر بويىنشا بەرەشەگى بارلارعا قويىلۋى مۇمكىن.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات