+7 (701) 759 90 19
3 °С : نۇر-سۇلتان
4 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

جاڭقوش تۇراروۆ نۇر-سۇلتاندا تيتۋلدىق جەكپە-جەككە شىعادى

15 مامىر 12:14
:ءبولىسۋ
جاڭقوش تۇراروۆ نۇر-سۇلتاندا تيتۋلدىق جەكپە-جەككە شىعادى

نۇر-سۇلتان. قازاقپارات - قازاقستاندىق كاسىپقوي بوكسشى جاڭقوش تۇراروۆ (22-0، 15 ك و) 6- شىلدە كۇنى ەلوردادا وتەتىن كاسىپقوي بوكس كەشىندە ونەر كورسەتەدى، دەپ حابارلايدى قازاقپارات ءتىلشىسى.

جاڭقوش تۇراروۆ ءبىرشاما ۇزىلىستەن كەيىن شارشى الاڭعا قايتا ورالىپ، جاقىن ارادا جەكپە-جەك وتكىزەتىنىن بۇعان دەيىن حابارلاعان بولاتىنبىز. بوكسشىنىڭ كەلەسى ايقاسىنا قاتىستى مەنەدجەرى اسقار سالىقبايەۆ ناقتى داتانى اتاعان. ونىڭ ايتۋىنشا، جاڭقوش 1- ماۋسىم كۇنى ۋەلس استاناسى كارديففەدە كەلەسى ايقاسىن وتكىزەدى. جاڭقوشتىڭ قارسىلاسى الداعى ۋاقىتتا بەلگىلى بولماق.

ۋەلستەن كەيىن جاڭقوشتىڭ نۇر-سۇلتان قالاسىندا تيتۋلدىق جەكپە-جەككە شىعۋى جوسپارلانعان. كاسىپقوي بوكس كەشى 6- شىلدەگە بەلگىلەنگەن.

«6- شىلدەدەگى كەزدەسۋىنە كەلەر بولساق، ايقاس جايلى تولىققاندى مالىمەت 20- مامىردا بەلگىلى بولادى. ول بوكس كەشىندە تۇراروۆ قانا ەمەس، قازاقستاندىق ءبىرقاتار بەلگىلى كاسىپقوي بوكسشىلار شارشى الاڭعا شىعاتىنىن ايتا كەتۋ كەرەك. سەبەبى، MTK Global كومپانياسىمەن كەلىسىمشارتقا وتىرعانداردىڭ ىشىندە سۇلتان زاۋىربەك (6-0، 4 ك و)، ءابىلقايىر شەگاليەۆ (5-0، 4 ك و)، ۆيكتور كوتوچيگوۆ (9-0، 4 ك و)، نۇرتاس اجبەنوۆ (5-0، 1 ك و) پەن ءالي بالويەۆ (8-0، 7 ك و) بار»، - دەلىنگەن ۆكونتاكتە جەلىسىندەگى «قازاقستان كاسىپقوي بوكسى» پاراقشاسىندا.

نۇر-سۇلتانداعى بوكس كەشىن MTK Global-مەن بىرگە op Rank امەريكالىق پروموۋتەرلىك كومپانياسى وتكىزەدى. Top Rank-تىڭ باستى كليەنتتەرى رەتىندە تەرەنس كروۋفوردتى (35-0، 26 ك و)، ۆاسيلي لوماچەنكونى (13-1، 10 ك و) اتاپ وتۋگە بولادى. اتالمىش پروموۋتەرلىك كومپانيادا، سونىمەن بىرگە جانىبەك ءالىمحان ۇلى (6-0، 2 ك و)، اسحات ءۋاليحانوۆ (4-2، 2 ك و) پەن ساعادات راحمانقۇلوۆ (4-1، 2 ك و) بار.

ەسكە سالا كەتسەك، MTK Global مەنەدجەرلىك كومپانياسى قازاقستاندىق كاسىپقوي بوكسشى جاڭقوش تۇراروۆپەن (22-0، 15 ك و) كەلىسىمشارتقا وتىرعانىن بۇعان دەيىن حابارلاعان بولاتىنبىز.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات