+7 (701) 759 90 19
-4 °С : نۇر-سۇلتان
0 °С : الماتى
USD 389.75 EUR 434.26
RUB 6.12 CNY 55.05
جاڭالىقتار

الماتىدا قازاقستان مەن قىتاي ءوڭىرارالىق ىنتىماقتاستىعى فورۋمى وتۋدە

15 مامىر 11:58
:ءبولىسۋ
الماتىدا قازاقستان مەن قىتاي ءوڭىرارالىق ىنتىماقتاستىعى فورۋمى وتۋدە

الماتى. قازاقپارات - الماتىدا قازاقستان مەن قىتاي ءوڭىرارالىق ىنتىماقتاستىعىنىڭ II فورۋمى وتۋدە، دەپ حابارلايدى قازاقپارات ءتىلشىسى.

فورۋم تاقىرىبى - «ونەركاسىپتىك كووپەراتسيا». ماقساتى - ونەركاسىپتىك كووپەراتسيا، ينۆەستيتسيالاردى تارتۋ جانە قازاقستاننىڭ ەكسپورتتىق الەۋەتىن ىسكە اسىرۋ باعىتىنداعى قازاقستان مەن قىتايدىڭ ءوڭىرارالىق جانە شەكاراماڭى ىنتىماقتاستىعىن دامىتۋ.

«ىسكەرلىك بايلانىستاردى دامىتۋ ءۇشىن بارلىق قاجەتتى جاعدايلار جاسالدى، قىتايلىق بيزنەس وكىلدەرىنە ۆيزالىق راسىمدەر جەڭىلدەتىلدى. ىنتىماقتاستىقتى ودان ءارى دامىتۋ ءۇشىن ونەركاسىپتىك كووپەراتسيانى بەلسەندى دامىتۋ قاجەت دەپ سانايمىن. بۇگىنگى تاڭدا ءبىز ىنتىماقتاستىعىمىزدىڭ جەمىسىن كورىپ وتىرمىز. ق ر ۇكىمەتى مەن ق ح ر ۇكىمەتى اراسىنداعى يندۋستريالاندىرۋ جانە ينۆەستيتسيالار سالاسىنداعى ىنتىماقتاستىقتى نىعايتۋ جونىندەگى كەلىسىم اياسىندا 27 ميلليارد دوللارعا 55 جوبا جۇزەگە اسىرىلۋدا. ونىڭ ىشىندە وتكەن ءۇش جىلدا 12 جوبا جۇزەگە اسىرىلدى»، - دەدى ق ر پرەمەر-ءمينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆ.

ول سونداي-اق، سوڭعى ءۇش جىلدا قازاقستانعا 300 مىڭنان استام قىتاي تۋريسى كەلگەنىن، ءوز كەزەگىندە قىتايعا قازاقستاننان 500 مىڭنان استام تۋريست بارعانىن اتاپ ءوتتى. قىتاي تاراپىنان فورۋمعا ق ح ر مەملەكەتتىك كەڭەسىنىڭ ءبىرىنشى ۆيتسە-پرەمەرى حان چجەناو قاتىسۋدا.

فورۋم قازاقستان مەن قىتاي وڭىرلەرىندە بايلانىس ورناتۋعا جانە ءوزارا ءتيىمدى ىنتىماقتاستىقتى كەڭەيتۋگە مۇمكىندىك بەرەدى. فورۋم اياسىندا يندۋستريالاندىرۋ جانە ينۆەستيتسيالار، اۋىل شارۋاشىلىعى، كولىك جانە لوگيستيكا سالالارىن جەتىلدىرۋگە ارنالعان 3 پانەلدىك سەسسيا وتەدى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات