ەلىمىزدە تۇرعىنداردىڭ تابىسى ارتىپ كەلەدى

نۇر-سۇلتان. قازاقپارات - 2019-جىلعى ناۋرىزدا حالىقتىڭ اتاۋلى اقشالاي تابىسى 98566 تەڭگەنى قۇرادى. بۇل جايىندا ق ر ۇ ە م ستاتيستيكا كوميتەتىنەن ءمالىم ەتتى، دەپ حابارلايدى قازاقپارات.

«2019-جىلعى ناۋرىزدا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 98566 تەڭگەنى قۇرادى. بۇل 2018-جىلعى ناۋرىزعا قاراعاندا 15 پايىز جوعارى. اتالعان كەزەڭ ىشىندە ناقتى اقشالاي تابىستار 9,7 پايىزعا ءوستى»، - دەلىنگەن ۆەدومستۆو اقپاراتىندا.

كوميتەت دەرەگىنشە، 2019-جىلعى ناۋرىزدا حالىقتىڭ اتاۋلى اقشالاي تابىستارىنىڭ قۇرىلىمىندا جالدامالى جۇمىسپەن قامتىلۋدان تۇسكەن تابىستار - 71,5، جەكە كاسىپكەرلىك قىزمەتتەن تۇسكەن تابىستار - 11،2، الەۋمەتتىك ترانسفەرتتەر تۇرىندەگى تابىستار - 16,3 جانە وزگە دە اقشالاي تابىستار 1 پايىزدى قۇراعان.