استانا ەكونوميكالىق فورۋمىنا بىلتىرعىعا قاراعاندا ەكى ەسە از قارجى جۇمسالعان
بۇعان وڭدەۋ ونەركاسىبى، قىزمەت كورسەتۋ سالاسى، قۇرىلىس پەن اۋىل شارۋاشىلىعىنداعى ىلگەرىلەۋشىلىكتەر سەبەپ بولعان. جالپى ىشكى ءونىم ۇلەسى ءالى دە ەسەلەنەرى حاق. وعان ەلوردامىزدا باستاۋ العان استانا ەكونوميكالىق فورۋمىنىڭ اسەرى تيەدى.
ساراپشىلار 2,1 ميلليارد تەڭگە تۇسەتىنىن بولجاۋدا. بيىل استانا ەكونوميكالىق فورۋمىنا بىلتىرعىعا قاراعاندا ەكى ەسە از قارجى جۇمسالعان. رەسپۋبليكالىق بيۋدجەتتەن 1,4 ميلليارد تەڭگە ءبولىندى. ەسەسىنە، كىرىس ەسەلەنۋى ءتيىس. ساراپشىلاردىڭ پىكىرىنشە، تاۋار ءوندىرىسى مەن قىزمەت كورسەتۋ سالاسىنا 3,3 ميلليارد تەڭگە ءتۇسىم تۇسەدى. ال جالپى ىشكى ءونىم 2,1 ميلليارد تەڭگەگە ارتادى. وسىلايشا، اۋقىمدى شارا ءوزىن- ءوزى تولىق اقتايدى.
مامانداردىڭ ايتۋىنشا، 2008 -جىلدان بەرى ءوتىپ كەلە جاتقان استانا ەكونوميكالىق فورۋمىندا ەلىمىزدىڭ شەت ەلدەرمەن بايلانىسى بەكي تۇسكەن. العاشقى شاراعا 500 دەلەگات كەلسە، بىلتىر الەمنىڭ 111 ەلىنەن 6000 مەيمان بوي كورسەتتى. 12-فورۋمدا دا ءبىرقاتار سالا بويىنشا ينۆەستيتسيالىق كەلىسىمدەر جاسالادى دەپ كۇتىلۋدە.