ەلورداداعى مەكتەپتە شىڭعىس ايتماتوۆ مۇراجايى اشىلادى
اتالعان اۋقىمدى ءىس-شاراعا قىرعىزستاننىڭ قوعام قايراتكەرى، جازۋشى، ش. ايتماتوۆتىڭ اپكەسى روزەتتا ايتماتوۆا جانە كوپتەگەن بەلگىلى قوعام قايراتكەرلەرى، جازۋشىلار، عالىمدار، قازاقستان حالقى اسسامبلەياسى مۇشەلەرى، ەلشىلىكتەردىڭ، ەتنومادەني بىرلەستىكتەر مەن ق ح ا جاستار قاناتىنىڭ وكىلدەرى قاتىسادى.
ءىس-شارا اياسىندا دوڭگەلەك ۇستەل، «تاۋ مەن دالا كەزدەسۋى» اتتى سۋرەتشىلەر كورمەسىنىڭ اشىلۋى، جازۋشىلاردىڭ جاستارمەن كەزدەسۋى، ءبىرقاتار كىتاپتاردىڭ تانىستىرىلىمى، «شىڭعىس ايتماتوۆ. ءداۋىر. تۇلعا. گۋمانيزم» اتتى حالىقارالىق ەسسە بايقاۋى مەن «ماناس االامى» اتتى جاس ماناسشىلار بايقاۋىنىڭ جەڭىمپازدارىن ماراپاتتاۋ ءراسىمى وتەدى.
سونداي-اق، ش. ايتماتوۆ مۇراجايىنىڭ (79№ مەكتەپ-ليتسەيىندە) اشىلۋى جانە ش. ايتماتوۆ شىعارماسىنىڭ جەلىسىمەن ساحنالانعان « قىزىل ورامالدى شىنارىم» سپەكتاكلىنىڭ (ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا) قويىلىمى جوسپارلانۋدا.