بۇرشاق، داۋىل، ەكپىندى جەل - سارسەنبىگە اۋا رايى بولجامى
وڭتۇستىك-شىعىستا قاتتى جاڭبىر جاۋادى، سولتۇستىكتە جەنە وڭتۇستىك-شىعىستا اۋا رايى جاۋىن-شاشىنسىز بولادى. رەسپۋبليكانىڭ كەي جەرلەرىندە جەل كۇشەيىپ، نايزاعاي كۇتىلەدى، بۇرشاق جاۋۋى مۇمكىن، داۋىل سوعادى. وڭتۇستىكتە - شاڭدى داۋىل، سولتۇستىكتە جانە سولتۇستىك-باتىستا تۇمان بولجانادى، دەپ حابارلايدى قازاقپارات.
«قازگيدرومەت» ر م ك مالىمەتىنشە، قاراعاندى وبلىسىنىڭ كەي جەرلەرىندە داۋىل كۇتىلەدى، بۇرشاق جاۋۋى مۇمكىن، جەلدىڭ ەكپىنى 23-28 م/س ارتادى. اقتوبە وبلىسىنىڭ كەي جەرلەرىندە كۇندىز داۋىل بولادى، بۇرشاق جاۋۋى ىقتيمال، جەل 15-20 م/س كۇشەيەدى.
قوستاناي وبلىسىندا تۇندە جانە تاڭەرتەڭ كەي جەرلەرىندە تۇمان بولجانادى، تۇندە جەل كۇشەيەدى، كۇندىز ونىڭ ەكپىنى 15-20 م/س ارتادى.
شىعىس قازاقستان وبلىسىنىڭ كەي جەرلەرىندە كۇندىز داۋىل كۇتىلەدى، بۇرشاق جاۋۋى مۇمكىن، جەلدىڭ كۇشى 15-20 م/س جەتەدى.
پاۆلودار، جامبىل، تۇركىستان، ماڭعىستاۋ، باتىس قازاقستان، تۇندە الماتى، كۇندىز قىزىلوردا وبلىستارىنىڭ كەي جەرلەرىندە جەل 15-20 م/س كۇشەيەدى. قىزىلوردا وبلىسىندا شاڭدى داۋىل تۇرادى. ماڭعىستاۋ وبلىسىندا داۋىل، باتىس قازاقستان وبلىسىندا بۇرشاق جاۋۋى مۇمكىن.
اقمولا، سولتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى، اقمولا وبلىسىندا جەل 15-20 م/س كۇشەيەدى.
اتىراۋ وبلىسىنىڭ كەي جەرلەرىندە بۇرشاق جاۋۋى مۇمكىن.
قىزىلوردا وبلىسىندا وتە جوعارى ءورت قاۋپى كۇتىلەدى.