+7 (701) 759 90 19
-1 °С : نۇر-سۇلتان
4 °С : الماتى
USD 389.75 EUR 434.26
RUB 6.12 CNY 55.05
جاڭالىقتار

سەمەيدە نازاربايەۆ زياتكەرلىك مەكتەبىنىڭ ۇجىمى جەتىم قىزعا پاتەر الىپ بەردى

14 مامىر 21:25
:ءبولىسۋ
سەمەيدە نازاربايەۆ زياتكەرلىك مەكتەبىنىڭ ۇجىمى جەتىم قىزعا پاتەر الىپ بەردى

سەمەي. قازاقپارات - 19 جاستاعى ەركەجان ەرسىن قىزى اتا-اناسىنان ەرتە ايىرىلعان.

وبلىستىق ءبىلىم باسقارماسىمەن اراداعى اتا-انا قامقورلىعىنسىز قالعان بالالار مەن جەتىم بالالارعا الەۋمەتتىك-پاتروناتتىق قولداۋ بويىنشا ءوزارا ىنتىماقتاستىق اياسىندا نازاربايەۆ زياتكەرلىك مەكتەبىنىڭ ۇجىمى 2013 -جىلدان بەرى ەركەجاننىڭ تۇرعىن ءۇي جيناق قورىنا قارجى اۋدارىپ كەلگەن.

بۇگىن مەكتەپ ۇجىمى بويجەتكەنگە 1 بولمەلى پاتەردىڭ كىلتىن سالتاناتتى تۇردە تابىستادى، دەپ حابارلايدى قازاقپارات.

اياگوز قالاسىنىڭ تۋماسى ەركەجان ەرسىن قىزى بۇگىن ءوز پاتەرىنە قول جەتكىزدى. بالا كۇنىنەن تاعدىردىڭ قاتال سىنىنا ۇشىراعان قىزعا باسپانا اپەرۋگە سەمەي قالاسىنداعى فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ ۇجىمى سەبەپكەر بولدى.

«ۇرپاق تاربيەشىسى رەتىندە ءبىزدى ءدال وسى ەركەجانداي جاستارىمىزدىڭ كەلەشەگى الاڭداتادى. قىزىمىزدىڭ باقىتتى ساتىنە ورتاقتاسىپ، ارمانىنا قول جەتكىزۋىنە سەبەپشى بولعانىمىزعا ءبىز دە قۋانىشتىمىز. ءبىز پاتەردى تاڭداۋ قۇقىن ەركەجاننىڭ وزىنە بەردىك. تەك ءتيىستى قۇجاتتارىنىڭ دۇرىس راسىمدەلۋىنە قىزمەتكەرلەرىمىز كومەكتەستى. بۇل باسپانا وعان قۇت- بەرەكە اكەلەتىن شاڭىراق بولسىن دەپ تىلەيمىز» - دەدى سەمەي قالاسىنداعى فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ ديرەكتورى باعدان قايىرجانوۆ.


null

19 جاستاعى بويجەتكەن اكەسىنەن ءسابي كۇنىندە، اناسىنان 12 جاسىندا ايىرىلىپتى. سوڭعى 5 جىلدان بەرى نەمەرەلەس اعاسى روللان سۋىقبايەۆتىڭ شاڭىراعىندا تۇرىپ جاتىر.

«ءوز باسپانام بولعانىن ارمانداسام دا، اياقاستى ءۇيلى بولامىن دەپ ەش ويلاماپپىن. ءتىپتى مەكتەپتەن حابارلاسىپ، سەنىڭ بانكتە ەسەپ-شوتىڭ بار، سول شوتتاعى اقشاعا ءۇي الىپ بەرەمىز دەگەندە مۇلدەم سەنبەدىم. بۇگىن قۋانىشتان تولقىپ تۇرمىن. ومىردە قايىرىمدى، جاناشىر ادامداردىڭ بار ەكەنىنە كوزىم جەتتى»، - دەيدى ەركەجان ەرسىن قىزى.

قازىر ەركەجان اياگوز قالاسىنداعى پوليتەحنيكالىق كوللەدجدىڭ 3-كۋرسىندا «باعدارلاماشى» ماماندىعىندا وقىپ ءجۇر.

«وقۋىمدى ۋنيۆەرسيتەتتە جالعاستىرام دەگەن جوسپار بار. كەلەر جىلى قالاعا كەلەمىن»، - دەگەن ەركەجانعا مەكتەپ ۇجىمى باسپاناسىنىڭ العاشقى جيھازى رەتىندە ميكروتولقىندى پەشتى سىيعا تارتتى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات