+7 (701) 759 90 19
-4 °С : نۇر-سۇلتان
3 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

اباي بولىڭىزدار: شەتەلدەن اكەلىنەتىن كەپتىرىلگەن قۇرمادان قاۋىپتى ىشەك ينفەكتسيالارى تابىلدى

14 مامىر 22:29
:ءبولىسۋ
اباي بولىڭىزدار: شەتەلدەن اكەلىنەتىن كەپتىرىلگەن قۇرمادان قاۋىپتى ىشەك ينفەكتسيالارى تابىلدى

نۇر- سۇلتان- قازاقپارات - اباي بولىڭىزدار، شەتەلدەن اكەلىنەتىن كەپتىرىلگەن قۇرمادان قاۋىپتى ىشەك ينفەكتسيالارى تابىلدى. ودان بولەك، ساۋدا ورىندارىندا جۇماق جەمىسىنىڭ باعاسى دا قىمباتتاعان.

وعان نە تۇرتكى؟ جالپى رامازان ايىندا جۇرت اسا كوپ تۇتىناتىن قۇرمادان قاۋىپتەنەتىندەي سەبەپ بار ما؟

رامازان ايى باستالىسىمەن قۇرما ساۋداسى قىزا تۇسەتىنى بەلگىلى. ءتىپتى، بۇعان دەيىن 300-400 تەڭگەگە ساۋدالانعان جۇماق جەمىستىڭ قۇنى ءاپ- ساتتە شارىقتاعان. ماسەلەن، شەتەلدەن كەلگەنى كەمى 5000 تەڭگەدەن ساۋدالانۋدا، دەپ حابارلايدى "ەۋرازيا ءبىرىنشى ارناسى".

«نەگىزى ساپاسىنا قارايدى. باعالارى ءار ءتۇرلى. مىسالى، ەڭ ارزانى 100-150 تەڭگە، ال شەتەلدەن كەلگەندەرى 3500-5000 تەڭگە» ، - دەيدى ساتۋشى نۇرىمبەت اشىربايەۆ.

قالا تۇرعىندارى دا قۇرما باعاسىنىڭ شارىقتاپ كەتكەنىن راستاپ وتىر. بۇعان دەيىن 400-500 تەڭگەگە ساتىلعان جيدەك قازىر قىمباتتاعان.

ودان بولەك، سوڭعى 4ايدىڭ ىشىندە قۇرمادان ىشەك تاياقشالارى تابىلعان. بۇل تۋرالى قوعامدىق دەنساۋلىق ساقتاۋ كوميتەتى مالىمدەدى. ماسەلەن، سوڭعى تەكسەرۋ ناتيجەسىندە ساۋدا ورىندارىنان الىنعان قۇرمالاردىڭ 4 پايىزىنان ادام دەنساۋلىعىنا اسا ءقاۋىپتى ميكروبتار انىقتالىپتى.

«تەكسەرىس ناتيجەلەرى بويىنشا، 18 پايىزى تالاپتارعا ساي بولماي شىقتى. سايكەس كەلمەيتىن ونىمدەردىڭ باسىم بولىگى يمپورتتىق ونىمدەرگە تيەسىلى. تالاپتاردىڭ بۇزۋشىلىقتارى، كەدەن وداعىنىڭ زاڭ بۇزۋشىلىقتارىنىڭ 85 پايىزى انىقتالسا، 4 پايىزىندا قاۋىپسىزدىك كورسەتكىشتەرى، ىشەك تاياقشالارىن انىقتاۋشىلىقتار بولدى» ، - دەيدى قوعامدىق دەنساۋلىق ساقتاۋ كوميتەتىنىڭ باس ساراپشىسى دانا قاسقاتايەۆا.

وسىلايشا، ماماندار قۇرمانىڭ سىرتقى قورابىن مۇقيات قاراۋ كەرەكتىگىن ايتادى. ەگەر دە ونىڭ شىققان كۇنى، قولدانۋ مەرزىمى جازىلماسا، مۇنداي ونىمنەن باس تارتقان دۇرىس، دەيدى. سونىمەن قاتار، وزگە ەلدەن يمپورتتالعاندار كوبىنە سانيتارلىق تالاپتارعا ساي كەلمەيدى ەكەن.

قوعامدىق دەنساۋلىق ساقتاۋ كوميتەتى جۇرگىزگەن مونيتورينگ ناتيجەسىندە كىنالى تۇلعالارعا 27 ميلليون استام ايىپپۇل سالىنعان. ودان بولەك، ساۋدا ورىندارىنان تالاپتارعا سايكەس كەلمەيتىن 4,5 مىڭ توننا قاۋىپتى تاعام ونىمدەرى، ونىڭ ىشىندە 9 كەلى قۇرما تاركىلەنگەن.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات