+7 (701) 759 90 19 Лента
4 °С : استانا
15 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

ساق حانشايىمى - زارينا

15 مامىر 03:35 309
:ءبولىسۋ
ساق حانشايىمى - زارينا

 نۇر-سۇلتان. قازاقپارات - ساق ايەلدەرى تۋماسىنان جاۋجۇرەك كەلگەن. ولار تاريح تورىندە ەرەكشە ساقتالعان.

گرەك اۆتورى كتەسي: «ساق ايەلدەرى ەر- جۇرەك كەلەدى، سوعىس قاۋپى تونگەندە ەرلەرىنە كومەك كورسەتەدى». تاريح جولىندا ەرەكشە ورىن الاتىن جاۋجۇرەك، باتىر ساق تايپاسى اتالسا، بىردەن ويىمىزعا ساق پاتشايىمى توميريس كەلەدى. ال ءسىزدىڭ قايسار ساق حانشايىمى زارينا تۋرالى ەستۋىڭىز بار ما؟

زارينا - ساق پاتشاسىنىڭ قىزى، مەرمەر قولباسشىسىنىڭ ايەلى، روكساناكي قالاسىنىڭ بيلەۋشىسى. بۇل قالا سىرداريا جاعالاۋىندا، كەيىننەن سىعاناق قالاسىنىڭ ىرگەسى قالانعان ايماقتا ورنالاسقان. تاريحتا ساق حانشايىمى زارينا جايىندا ونى ادىلەتتىلىك پەن پاتريوتيزم سيمۆولى رەتىندە كورسەتەتىن تاماشا اڭىز قالعان.

زارينا «امازونكا» دەپ اتالاتىن قىزدار وتريادىن باسقارعان. ساقتار وزدەرىنىڭ سالتى بويىنشا 13 جاسىنان باستاپ قىزدارىن ساداق اتۋ، نايزالاسۋ، قىلىشتاسۋ سياقتى سوعىس ونەرلەرىنە ۇيرەتكەن. امازونكالارعا ءوزىن ۇرىس الاڭىندا كورسەتپەي تۇرىپ كۇيەۋگە شىعۋعا رۇقسات ەتىلمەگەن. كوبىنەسە ولار ءوز نامىستارىن وزدەرى قورعاپ، قانداي جاعداي بولماسىن باتىلدىق تانىتقان.

پارسىلار ساقتاردىڭ ەجەلدەن بەرگى جاۋلارى بولاتىن. ۇزاققا سوزىلعان سوعىس ەكى ەلدى ابدەن مەزى قىلادى. كۇندەردىڭ كۇنىندە زارينا باستاعان امازونكالار اڭعا شىعادى. قالا ماڭىنان ولار ەشقانداي ولجا تاپپايدى. ويتكەنى ول الدىڭعى سوعىس كەزىندە قۇرىپ بىتكەن بولاتىن. قۇلان مەن كيىكتى تورىپ جۇرگەن قىزدار ۇستىرتكە بەت الادى. جانىنان وتە شىققان قۇلاندى قۋا جونەلگەن زارينا ءوز توبىنان الىسقا ۇزاپ كەتەدى. كەنەتتەن ونىڭ الدىنان جاۋ اسكەرى شىعا كەلەدى. ساق اسكەرى ساۋىتىن كيگەن، اياعىنا وق قادالعان زارينانىڭ ارتىنان قۋعىن باستالادى. ميدياندىقتاردىڭ باسشىسى ساق حانشايىمىن قۋىپ جەتەدى.

«جاۋىنگەردى» تۇتقىنداعان حانزادا ونىڭ باسىن الماقشى بولىپ قىلىشىن كوتەرە بەرەدى. جاۋىنگەر شەگىنىپ، قارسى شايقاسقا ۇمىتىلادى، ءبىراق وسى كەزدە ونىڭ باسىنداعى دۋلىعاسى ۇشىپ ءتۇسىپ، يىعىنا تولقىندالعان ۇزىن قولاڭ شاشى توگىلىپ قۇلايدى. حانزادا ءوزىنىڭ الدىندا سۇلۋ قىز تۇرعانىن كورىپ ويىنان قايتادى.

بۇل حانزادا ميديا بيلەۋشىسى ستريانگەي ەدى. ول دا ءدال وسى كۇنى دوستارىمەن سەرۋەندەۋگە شىعىپتى. جاس حانزادا زارينانىڭ سۇلۋ ءجۇزىن كورىپ وعان ەس-ءتۇسسىز عاشىق بولادى. زارينانىڭ دا بويىندا سونداي ءبىر سەزىم پايدا بولادى. ولار بۇدان بىلاي ساقتار مەن پارسىلاردىڭ اراسىندا جاۋلاستىقتى جويماق بولىپ سەرتتەسەدى.

ءبىراق ولاردىڭ اراسىندا سەزىم بار ەكەنىن سەزىپ ستريانگەيدى زارينانىڭ كۇيەۋى مەرمەر جازالاماقشى بولادى. مەرمەر زارينامەن كەزدەسۋگە كەلگەن حانزادانى ەكى مەملەكەت شەكاراسىنان ۇستاپ الىپ روكساناكيگە اكەلەدى. ال ستريانگەي زاريناعا كەزدەسۋگە اسكەرسىز كەلۋگە ۋادە بەرگەن بولاتىن. زارينا كۇيەۋىنەن ەكى ەل اراسىنا وت جاقپاي، پارسى حانزاداسىن جىبەرە سالۋدى سۇرايدى. ءبىراق مەرمەر ستريانگەيدىڭ ءوز ولجاسى جانە جاۋ ەكەنىن ايتادى. زارينا ءوزىنىڭ پاتشايىم ەكەندىگىن پايدالانىپ، حانزادانى بوساتۋعا بۇيرىق بەرەدى. مەرمەر بۇيرىققا باعىنبايدى، ءسويتىپ جانىنداعى ءوزىنىڭ وققاعارىنان قازا تابادى. سول كەزدە زارينا ءوز تايپاسىنا وتتى جانارمەن قاراپ تۇرىپ، ءور داۋىسپەن بىلاي دەيدى: «ماعان جۇزەدەگەن جانە مىڭداعان ادامداردىڭ ءومىرى ءبىر قولباسشىسىنىڭ ومىرىنەن اناعۇرلىم قىمبات. مەيلى ول مەنىڭ كۇيەۋىم بولسىن، ءبىراق ماعان حالقىم قىمبات! بوساتىڭدار پارسى حانزاداسىن!» دەپ بۇيىرادى. سولاي حانزادا بوساتىلادى.

ال حانزادا ساقتاردىڭ قوناقجايلىعىنا كۋا بولادى. تەك ەلىنە قايتاردا زارينادان وزىنە تۇرمىسقا شىعۋىن سۇرايدى. زارينا بۇل وتىنىشكە ءبىر جىلدان كەيىن جاۋاپ بەرۋگە ۋادە بەرەدى. ءبىر جىلدان سوڭ، ولار ەكى ەلدىڭ شەكاراسىندا قايتا كەزدەسەدى. ءبىراق زارينا ءوزىنىڭ تۇرمىسقا شىعۋىنىڭ ساقتاردىڭ تاۋەلسىزدىگىن جوعالتۋمەن بىردەي بولاتىندىعىن ءتۇسىنىپ، حانزاداعا كۇيەۋگە شىعۋعا كەلىسىم بەرمەيدى. ول ءوز وتانى ءۇشىن سۇيگەنىن قۇربان ەتەدى. وسىلاي زارينا باتىل پاتشايىم رەتىندە تاريحتا قالادى.

 


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات