ۇلتتىق قاۋىپسىزدىك كوميتەتى سيرياداعى ازاماتتار نە سەبەپتى قايتارىلعانىن ءتۇسىندىردى

None
None
نۇر- سۇلتان. قازاقپارات - ق ر ۇلتتىق قاۋىپسىزدىك كوميتەتىنىڭ دەپارتامەنت باسشىسى باقىتبەك راحىمبەرديەۆ قازاقستان سيريادان ازاماتتاردى قانداي سەبەپتەرمەن قايتارعانىن ءتۇسىندىردى، دەپ حابارلايدى قازاقپارات ءتىلشىسى.

«قازاقستان ازاماتتارىن ەلگە قايتارۋ جۇمىسىنا ءبىزدىڭ قىزمەتكەرلەر باسىنان اياعىنا دەيىن قاتىستى. ءبىراق وسى جۇمىستار اياقتالعان جوق. وسى وپەراتسيا بويىنشا ءبىزدىڭ قوعامىمىزدا كوپتەگەن ساۋالدار قويىلۋدا. بۇل تۇرعىدا «ازاماتتاردى سيريادان قايتارۋدىڭ قاجەتتىگى قانشا؟»، «نەلىكتەن ولارعا ەلگە كىرۋگە تىيىم سالۋعا بولمايدى؟» دەگەن پىكىرلەر ەستىلۋدە. بىرىنشىدەن، ءبىز مەملەكەت رەتىندە مىندەتتەرىمىزدى ورىنداي وتىرىپ، ءوز ازاماتتارىمىزدى ەلگە قايتارۋعا ءتيىستىمىز. كىنالىلەر بويىنشا جازانىڭ ورىندالۋىن قامتاماسىز ەتىپ، كىناسىزدەردى وڭالتۋدان وتكىزۋىمىز قاجەت. بۇل جالپى الەم بويىنشا قابىلدانعان تاجىريبە. مىسالى، 2018 -جىلى ءبىز ەلىمىز اۋماعىندا 50-دەن استام تەرروريزم مەن ەكسترەميزمگە قاتىستى شەتەل ازاماتتارىن انىقتادىق. بارلىعىن ءوز ەلدەرىنە دەپورتاتسيالادىق»، - دەدى ب. راحىمبەردييەۆ.



 وسى ورايدا ول اتالعان وپەراتسيا بارىسىندا ەڭ ماڭىزدى قادام بالالاردى قۇتقارۋعا قاتىستى ەكەنىن اتاپ ءوتتى.

«ەكىنشىدەن، وسى ازاماتتار شەتەلدە قالىپ قويسا قالاي بولادى؟ سودىرلار قازاقستانعا قارسى لاڭكەستىك ءىس- ارەكەتتەرىن جالعاستىراتىنى انىق. جىل سايىن ءبىز شەتەل لاڭكەستەرى تاراپىنان بىرنەشە تەراكتىلەردىڭ جولىن كەسەمىز. ال قازاقستاندا ولار ەڭ از دەگەندە جاۋاپكەرشىلىككە تارتىلىپ، وڭالتۋدان وتەدى. ۇشىنشىدەن، ەڭ باستىسى ءبىز بالالاردى قۇتقاردىق. ودان بولەك، شەتەلدە قالىپ قويعان بالالار كىم بولىپ وسەتىنى جايلى ويلانۋ قاجەت. ولار تەرروريستەر قاتارىن تولىقتىراتىندىعى انىق. سوندىقتان بالالاردى ەلگە قايتارا وتىرىپ، ءبىز بولاشاقتاعى اۋقىمدى ماسەلەنى شەشىپ وتىرمىز. وسى قايتىپ كەلگەن ادامدارعا تاعى ءبىر مۇمكىندىك بەرۋىمىز كەرەك»، - دەدى ۇ ق ك وكىلى.

سيريادان قايتارىلعان ادامداردىڭ ءبىرازى ءتولقۇجاتتارىن جوعالتىپ العان. بۇل تۋرالى «جۋسان-2» وپەراتسياسىنا قاتىستى وتكەن باسپا ءسوز ءماسليحاتىندا ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ ءمالىم ەتتى.

«قازاقستاندىقتاردىڭ ءبىرقاتارى وزدەرىنىڭ ءتولقۇجاتتارىن جوعالتقان. بالالاردىڭ باسىم بولىگى بۇدان بۇرىن يليم/دايش باقىلاۋىنداعى ايماقتاردى تۋعان بولاتىن. سىرتقى ىستەر مينيسترلىگى جانە شەت ەلدەردەگى مەكەمەلەر وپەراتسيا بارىسىندا كونسۋلدىق - قۇقىقتىق ءارى لوگيستيكالىق قولداۋ كورسەتتى»، - دەدى ە. اشىقبايەۆ.

ونىڭ سوزىنە قاراعاندا، ق ر س ءى م جانە ۇلتتىق قاۋىپسىزدىك كوميتەتى بۇكىل جۇمىستى مۇددەلى ورتالىق جانە جەرگىلىكتى مەمورگاندار، سونداي- اق ۇكىمەتتىك ەمەس ۇيىمدارمەن تىعىز ۇيلەستىرۋ ارقىلى وتكىزدى.

«ەندى دەراديكاليزاتسيالاۋ جانە ساۋىقتىرۋ ماسەلەلەرىنە ەرەكشە كوڭىل بولە وتىرىپ، قايتىپ كەلگەن ايەلدەر مەن بالالاردى بەيىمدەۋ ءارى قايتا الەۋمەتتەندىرۋ كەزەڭى باستالىپ وتىر»، - دەدى ءمينيستردىڭ ورىنباسارى.

ايتا كەتەيىك، سىرتقى ىستەر ءمينيسترىنىڭ ورىنباسارى ەرجان اشىقبايەۆ سيريادان قايتارىلعان ادامداردىڭ لاڭكەستىك قىلمىستارعا قاتىسى بارلارى جازاعا تارتىلاتىنىن ءمالىم ەتتى.

بۇدان بۇرىن حابارلانعانداي، جاقىندا سيريادان 231 قازاقستان ازاماتىنىڭ ەلگە جەتكىزىلۋىنە بايلانىستى ق ر  پرەزيدەنتى قاسىم- جومارت توقايەۆ مالىمدەمە جاسادى.

«مەنىڭ تاپسىرمام بويىنشا 7 جانە 9 - مامىر كۇندەرى سيريادان 231 قازاقستان ازاماتى ەلگە جەتكىزىلدى، ونىڭ 156-سى - بالالار، دەنى مەكتەپ جاسىنا دەيىنگىلەر، سونىڭ ىشىندە 18- ءى - جەتىم بالالار. بۇل اۋقىمدى گۋمانيتارلىق اكسيا - تۇڭعىش پرەزيدەنت - ەلباسى نۇرسۇلتان نازاربايەۆتىڭ تاپسىرماسىمەن بيىل قاڭتار ايىندا جۇرگىزىلگەن «جۋسان» وپەراتسياسىنىڭ جالعاسى»، - دەلىنگەن مەملەكەت باسشىسىنىڭ مالىمدەمەسىندە.

اۆتور: رۋسلان عابباسوۆ

سوڭعى جاڭالىقتار