ۆەتنام سوعىسىنا قاتىسقان جالعىز قازاق
ءبىراق سول كەزدەگى كەڭەس ۇكىمەتىنىڭ قۇپيا تاپسىرماسىمەن ۆەتنامدا راكەتالىق اتقىشتار پولكى قۇرامىندا جەرگىلىكتى اسكەريلەردى وقىتىپ، كەيىن ۇرىس قيمىلدارىنا دا قاتىسقان. ءبىر جارىم جىلداي سۇراپىل سوعىستا بولعان سىربويىلىق سارباز ەلگە ورالعاننان كەيىن ءوز ماماندىعى بويىنشا دارىگەرلىك قىزمەت اتقاردى.
ۇزاق جىلدار بويى قۋاڭداريا اۋىلىنداعى اۋرۋحانانى باسقاردى. قۇپيا تاپسىرمانى ورىنداعاندىقتان، يسا بيسەنوۆتىڭ اسكەري بيلەتىنە ۆەتنامداعى سوعىسقا قاتىسقانى تۋرالى ءمور باسىلماعان. ءتىپتى «ەرلىگى ءۇشىن» مەدالى بەرىلگەنمەن، ونىڭ دا ءنومىرى جوق ەكەن. ال وسىدان 6 جىل بۇرىن ۆەتنام پرەزيدەنتى يسا بيسەنوۆتى قابىلداپ، سىي- قۇرمەت كورسەتكەن بولاتىن.
«1966 -جىلى ازاماتتىق كيىممەن، ديپلوماتيالىق قۇجاتپەن قىتاي ارقىلى ءوتىپ باردىق. سودان 6 اي جاۋىنگەرلەردى تەوريالىق جاعىنان راكەتاعا وقىتتىق»، - دەيدى ۆەتنام سوعىسىنىڭ ارداگەرى يسا بيسەنوۆ.