قازاقستاننىڭ ەلشىسى نورۆەگيا كورولىنە سەنىم گراموتالارىن تاپسىرۋ راسىمىنە ۇلتتىق كيىممەن باردى

وسلو. قازاقپارات - قازاقستاننىڭ ەلشىسى ەركىن احينجانوۆ نورۆەگيا كورولىنە سەنىم گراموتالارىن تاپسىرۋ راسىمىنە قازاقتىڭ ۇلتتىق كيىمىن كيىپ باردى، دەپ حابارلايدى قازاقپارات ق ر س ءى م سايتىنا سىلتەمە جاساپ.

باسپا ءسوز قىزمەتىنىڭ مالىمەتىنشە، نورۆەگيانىڭ حارالد V كورولىنە سەنىم گراموتالارىن تاپسىرۋ ءراسىمى 9- مامىردا وسلوداعى كورول سارايىندا وتكەن. راسىمنەن كەيىن بولعان اۋديەنتسيا بارىسىندا كورول 2001-جىلعى ءساۋىر ايىنداعى قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ نورۆەگياعا جاساعان رەسمي ساپارىن جىلى سوزبەن ەسكە الدى. مونارح، ورتاق تاريحتى زەرتتەۋدىڭ جانە سپورتتى دامىتۋدىڭ ماڭىزدىلىعىن اتاپ ءوتىپ، قازاقستان مەن نورۆەگيا اراسىنداعى جان-جاقتى بايلانىستاردى نىعايتۋ قاجەتتىلىگىنە ەرەكشە كوڭىل اۋداردى.

كورول نورۆەگيالىق كونكيشىلەر الماتىدا تاۋداعى «مەدەۋ» مۇز ايدىنىندا الەم رەكوردتارىنا يە بولعاندىعىن نورۆەگيادا ۇمىتىلماعانىن راستادى. ول ەلشىلىكتىڭ نورۆەگيالىقتاردى قازاقستان ەلىمەن، تابيعاتىمەن، مادەنيەتىمەن، ەكونوميكالىق پەن ينۆەستيتسيا الەۋەتىمەن جاڭادان تانىستىرۋ ماقساتىن قۇپتادى.

حارالد V قازاقستانداعى ساياسي وزگەرىستەر مەن 9- ماۋسىمعا بەلگىلەنگەن پرەزيدەنتتىك سايلاۋ جايىنداعى اقپاراتتى قىزىعۋشىلىقپەن قابىل الدى. ە. احينجانوۆ قازىرگى مەملەكەت باسشىسى قاسىم-جومارت توقايەۆ حالىققا ارناعان جولداۋىندا سايلاۋدىڭ ادال، اشىق جانە ءادىل وتكىزىلۋىنە كەپىلدىك بەرگەنىن اتاپ ءوتتى.

«نورۆەگيا قازاقستاننىڭ تاۋەلسىزدىگىن العاشقى تانىعان مەملەكەتتەردىڭ ءبىرى بولعانىن ەلىمىز ۇمىتپاعان. شيرەك عاسىر بويى ءسىزدىڭ ەلىڭىز قازاقستاندىق رەفورمالاردىڭ كوبىنە، ۇلتتىق قوردى قۇرۋدى قوسا العاندا، ۇلگى بولدى. بۇگىنگى كۇندە ءبىز تۇراقتى ەكونوميكا مەن قوعامعا يە جاپپاي ءال-اۋقاتتى مەملەكەتتى قۇرۋ سالاسىنداعى اسا وزىق دامۋ مودەلدەردى قولدانۋعا ىنتالانۋدامىز. ءبىز قىزىعاتىنىمىز: جاڭارتىلاتىن ەنەرگيا، سمارت قالالار، اكۆامادەني جانە باسقا دا وزىق سالالار» - دەدى ەركىن احينجانوۆ.

سونداي-اق، ەلشى قازاقستاننىڭ شىعىس قىتايدان سولتۇستىك ەۋروپاعا كونەينەرلەردى ەكى اپتا ىشىندە جەتكىزۋگە مۇمكىندىك بەرەتىن جاڭا جىبەك جولىن قۇرۋ شارالارى تۋرالى ايتىپ بەردى.

ەلشىنىڭ پىكىرىنشە، قازاقستان مەن نورۆەگيانى ۇيلەسىمدى، ءقاۋىپسىز ءارى بەرەكەلى الەمدى قۇرۋعا باعىتتالعان ورتاق ىنتالار بىرلەستىرەدى. ول يادرولىق سىناقتاردان اسا قيانات كورگەن الەمدەگى ەلدەردىڭ ءبىرى قازاقستان ەكەنىن ەسكە سالدى. قايعىلى تاجىريبەگە جانە حالىقتىڭ ازابىنا نەگىزدەنە وتىرىپ، تۇڭعىش پرەزيدەنت - ەلباسى نۇرسۇلتان نازاربايەۆ قازاقستان مۇرا ەتىپ العان بارلىق يادرولىق الەۋەتىن بولشەكتەۋ تۋرالى تاريحي شەشىم قابىلدادى. ە. احينجانوۆ 29- تامىزدا سەمەي قالاسىنىڭ وڭىرىندە تۇڭعىش يادرولىق جارىلىس وقيعاسىنا 70 جىل تولاتىندىعىن مالىمدەدى.

كورولدىڭ اۋديەنتسياسىن كەيىن ۇكىمەتتىك قابىلداۋ ۇيىندە سەنىم گراموتالارىن تاپسىرۋ راسىمىنە وراي سالتاناتتى فۋرشەت ءوتتى.