ەديسوننىڭ ءومىر ساباقتارى

None
None
نۇر-سۇلتان. قازاقپارات - توماس ەديسون دەگەن كىم؟

توماس الۆا ەديسون 1847 -جىلدىڭ 11 -اقپانىندا ا ق ش-تىڭ وگايو شتاتىنداعى ميلان قالاسىندا دۇنيەگە كەلگەن.

ول كىشى سەمۋەل ەديسون جانە نەنسي ەلليوت ەديسوننىڭ وتباسىنداعى جەتىنشى بالاسى جانە كەنجەسى. ونىڭ اناسى نەنسي، ءدىنباسىنىڭ قىزى، ۇيىندە جاقسى تاربيە مەن ءبىلىم العان كىسى.

1854 -جىلى ەديسوندار ميچيگان شتاتىنداعى پورت-گۋرونعا كوشەدى. وسى جەردە توماس الۆا ءۇش اي بويى مەكتەپكە بارادى. بۇل ونىڭ ومىرىندەگى ەرەكشە كەزەڭدەردىڭ ءبىرى بولادى. توماس ەديسون كوپ زاتتارعا قىزىعۋشىلىق تانىتا باستايدى.

كۇندەردىڭ ءبىر كۇنىندە توماس ەديسون مەكتەپتەن ۇيىنە ورالىپ، ءبىر پاراق قاعازدى اناسىنا ۇسىنىپ: «مەنىڭ ۇستازىم بۇل قۇجاتتى سىزگە بەرۋگە تاپسىرىپ، ءسىز وقىپ بەرەدى دەپ ايتتى»، - دەگەن سوزدەردى ايتادى. قاعازدى وقىعان اناسىنىڭ كوزىنە جاس ءۇيىرىلىپ:

«ءسىزدىڭ ۇلىڭىز گەني(دانىشپان؛ كەمەڭگەر - رەد.). ول ءبىزدىڭ مەكتەپتە وقي المايدى، بىزدە وعان لايىقتى ۇستازدار جوق. سول سەبەپتى، ونى ءوزىڭىز وقىتىڭىز»، - دەگەن سوزدەردى، ول داۋىستاپ وقيدى.

وسى كەزدەن باستاپ، اناسى ونى ۇيىندە وقىتىپ، العاشقى ءبىلىمدى بەرەدى.

اناسى قايتىس بولعاننان كەيىن كوپ ۋاقىت وتە كەلە ەديسون شكاف سورەلەرىن تەكسەرىپ جاتىپ، وسى حاتقا كەزىگەدى. حاتتى اشقان ەديسوننىڭ كوزى كەلەسى سوزدەرگە ىلىگەدى:

«ۇلىڭىزدىڭ اقىل ەسى كەم بولعاندىقتان، ءبىزدىڭ مەكتەپ، ونى ەندى وقىتا المايدى».

ەديسون بۇل سوزدەردى وقىپ بولىپ، ءوزىنىڭ كۇندەلىگىنە بىلاي دەپ جازعان ەكەن:

توماس ا. ەديسون اقىل ەسى كەم بالا بولاتىن، الايدا اناسى ونى عاسىردىڭ گەنيىنە اينالدىردى.

توماس ەديسوننىڭ ويلاپ تاپقان قۇرىلعىلارى

توماس ەديسون ءومىر بويى 1093 قۇرىلعىعا پاتەنت العان: ونىڭ 389 ى ەلەكترلى جارىقتاندىرۋمەن، 195 ى فونوگرافپەن، 150 ى تەلەگرافپەن، 141 ى اككۋمۋلياتور جانە 34 ى تەلەفونمەن بايلانىستى.

ەڭ اتاقتى ويلاپ تاپقان قۇرىلعىسى - ەلەكتر شامى. ونى ويلاپ تابۋ بارىسىندا كەيبىر دەرەكتەر بويىنشا 1000 ءتۇرلى ەكسپەريمەنت جاساعان.

1914 -جىلى 10 -جەلتوقساندا، ونەرتاپقىشتىڭ جۇمىس ورنى ورنالاسقان فابريكادا ۇلكەن جارىلىس بولىپ، ورتەنەدى. حيميكاتتار قوسىلعان ءورتتى ءوشىرۋ قيىنعا سوعادى. ەديسون بولسا، ءورتتىڭ كوپتەگەن جۇمىستارىن كۇلگە اينالدىرىپ جاتقانىنا قاراپ تۇرعان ەكەن.

ونىڭ ۇلى 24 جاستاعى چارلز قاسىنا كەلگەن كەزدە ەديسون بىلاي دەپتى:

- بارىپ اناڭ مەن دوستارىڭدى الىپ كەل. ولار مۇنداي جالىندا ەندى كورە الماس، - دەپتى.

اكەسىنىڭ بۇنداي سوزدەرىن كۇتپەگەن چارلز:

- ءبىزدىڭ زاۋىت تۇگەلىمەن ورتەندى عوي، اكە، - دەپ سۇراپتى.

توماس ەديسون، سالقىنقاندىلىق تانىتىپ:

- ءيا، ءبىزدىڭ زاۋىت تۇگەلىمەن ورتەندى. ءبىراق ونىمەن قوسا ءبىز جاساعان بارلىق قاتەلىكتەر دە ورتەندى. ءبىز ەرتەڭنەن باستاپ ءبارىن جاڭادان باستايمىز، - دەپ جاۋاپ بەرىپتى دەسەدى.

توماس ەديسوننىڭ قاناتتى سوزدەرى

مەن جەڭىلىس تاپقان جوقپىن، مەن تەك 10000 جۇمىس ىستەمەيتىن ءتاسىلدى تاپتىم.

كەيبىر ءومىردىڭ ساتسىزدىكتەرىندە ادامدار تابىسقا قانشالىقتى جاقىن بولعانىن سەزبەيدى.

گەني دەگەنىمىز - %1 شابىت پەن تەر %99.

توماس ەديسون كەيبىر دەرەكتەر بويىنشا، كۇنىنە 20 ساعاتتان جۇمىس ىستەگەن. ول ءوزىنىڭ قۇرىلعىلارىن ويلاپ تاپپاس بۇرىن، قانشاما قيىندىقتارعا ۇشىراپ، قاتەلەسكەن. ءبىراق، ءوز-ءوزىن جەڭە بىلگەن ادام.

ءبارى ءوز قولىمىزدا. ءوز ءومىرىمىزدى، ءوزىمىز عانا وزگەرتە الامىز.


سوڭعى جاڭالىقتار