قانداستارىمىزدى «قاسيەتتى قازاق ەلى» حالىقارالىق ونەر فەستيۆالى شاقىرادى

 نۇر- سۇلتان. قازاقپارات - شەتەلدە تۇراتىن وتانداستاردىڭ قاتىسۋىمەن «قاسيەتتى قازاق ەلى» حالىقارالىق ونەر فەستيۆالى وتەدى، دەپ حابارلايدى قازاقپارات ءتىلشىسى.

«وتانداستار» قوعامدىق قورى حابارلاعانداي، اتالعان شارا ۇستىمىزدەگى جىلدىڭ 1- مامىرى مەن 7- شىلدە ارالىعىندا وتەدى.

شارانىڭ باستى ماقساتى - قازاقستان رەسپۋبليكاسىنا كەلگەن ەتنيكالىق قازاقتار مەن ەلىمىزگە كوشىپ كەلگەن وتانداستارىمىزدىڭ اراسىندا قازاق حالقىنىڭ ۇلتتىق مادەنيەتى مەن سالت داستۇرلەرىن، ءتىلىن دامىتۋعا قولداۋ كورسەتۋ.

فەستيۆالدا ءتورت نوميناتسيا بويىنشا بايقاۋ ۇيىمداستىرىلادى. اتاپ ايتار بولساق، ءمۇشايرا، تەرمە، حالىقتىق- قولدانبالى ونەر جانە ۆوكالدان (ۇلتتىق ولەڭدەر) سايىستار وتپەك.

فەستيۆالدىڭ ىرىكتەۋ كەزەڭدەرى وبىستاردا وتسە، فينالى جانە جەڭىمپازدار مەن جۇلدەگەرلەردى ماراپاتتاۋ 2019-جىلى 7- شىلدەدە نۇر-سۇلتان قالاسىندا وتەدى.

بارلىق تىلەك بىلدىرۋشىلەر https://oq-bilim.kz سايتىندا تىركەۋدەن وتە الادى. وتىنىمدەردى 10- مامىرعا دەيىن [email protected], [email protected] ەلەكتروندىق پوشتالارعا جىبەرۋگە بولادى.

شەتەلدە تۇراتىن وتانداستاردىڭ قاتىسۋىمەن وتكىزىلەتىن «قاسيەتتى قازاق ەلى» حالىقارالىق ونەر فەستيۆالىنىڭ ەرەجەسىمەن مىنا جەردەن تانىسۋعا بولادى.

اۆتور: كۇنسۇلتان وتارباي