باقىت سۇلتانوۆ كوپبالالى انالارمەن كەزدەستى

 نۇر- سۇلتان. قازاقپارات - ەلوردا اكىمى باقىت سۇلتانوۆ الماتى اۋدانىنىڭ كوپبالالى انالارىمەن كەزدەستى، دەپ حابارلايدى قازاقپارات قالا اكىمىنىڭ باسپا ءسوز قىزمەتىنە سىلتەمە جاساپ.

كەزدەسۋگە ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ، ق ر ءبىلىم جانە عىلىم ۆيتسە- ءمينيسترى ەلميرا سۋحانبەرديەۆا، قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ، قازاقستان رەسپۋبليكاسى دەنساۋلىق ساقتاۋ ۆيتسە- ءمينيسترى ءلاززات اقتايەۆا قاتىستى.

مەملەكەتتىك باعدارلامالار ارقىلى تۇرعىن ءۇي الۋ، امبەباپ ءبىلىم بەرۋ اياسىندا كومەك كورسەتۋ، كوپبالالى انالاردىڭ ىسكەرلىك باستامالارىنا قولداۋ كورسەتۋ جانە كوپبالالى وتباسىلاردان شىققان بالالارعا شىعارماشىلىق بايقاۋلار مەن سپورت جارىستارىنا قاتىسۋ ءۇشىن قارجىلىق قولداۋ كورسەتۋ ماسەلەلەرى كوتەرىلدى.

 كەزدەسۋگە قاتىسۋشىلاردىڭ ءبىرى، «التىن القا» يەسى كوپبالالى وتباسىنان شىققان دارىندى بالالارعا قارجىلاي كومەك كورسەتۋ مۇمكىندىگىن سۇرادى.

«مەنىڭ جولداسىم - قازاق، مەن - ۋكراينمىن. ءبىز توعىز بالانى قازاقستاندىق پاتريوتيزم رۋحىندا تاربيەلەپ وتىرمىز. قازاق حالقىنىڭ ۇلتتىق داستۇرلەرىنىڭ نەگىزىندە ادال، يماندى، ءبىلىمدى قازاقستان ازاماتتارىن تاربيەلەۋگە تىرىسامىز. ءبىزدىڭ بالالار شىعارماشىلىقپەن اينالىسادى جانە جەتىستىكتەرگە دە جەتۋدە. ءبىزدىڭ وتباسىمىزدا ۇلتتىق جانە حالىقارالىق مۋزىكالىق بايقاۋلاردىڭ لاۋرەاتتارى، سپورتتىق جارىستاردىڭ جەڭىمپازدارى بار. سونىڭ ىشىندە الەمدىك دەڭگەيدەگى جەڭىمپازدار بار. وسىعان بايلانىستى مەندە مىناداي سۇراق تۋىندايدى: بالالارىمىزدىڭ جول ساپارلارىن تولەۋگە مەملەكەتتەن قارجىلاي كومەك الۋ مۇمكىن بە؟ وتباسىلىق بيۋدجەتتەن ءارقاشان وسىنداي قارجى بولە بەرۋ قيىن» ، - دەدى كوپبالالى انا قالا اكىمىنە.

باقىت سۇلتانوۆتىڭ ايتۋىنشا، تالانتتى بالالاردى قولداۋعا اكىمدىك دەمەۋشىلەردى تارتادى.

«كوپبالالى انالارعا كومەكتەسەتىن بىرنەشە قور قۇرىلدى. ءسىزدىڭ سۇرانىسىڭىزدى قاراستىرامىز» ، - دەدى اكىم.

تاعى ءبىر كوپبالالى انا بيزنەس- باستامالاردى جۇزەگە اسىرۋ كەزىندە مەملەكەت تاراپىنان قانداي قولداۋ بار ەكەنىن سۇرادى.

«مەن جۇمىسپەن قامتۋ ورتالىعىنىڭ كومەگىمەن تىگىنشىلىك كۋرسىنان ءوتتىم. مەن شاعىن تىگىن شەبەرحاناسىن اشقىم كەلەدى. مەن بيزنەس داعدىلارىن دامىتۋ ءۇشىن ەمين اسكەروۆانىڭ الەۋمەتتىك كاسىپكەرلىك باعدارلاماسى بويىنشا وقىدىم. مەن «استانا» ا ك ك- نە حابارلاستىم، ولار «1000 ورىن - كوشە ساۋداسى» باعدارلاماسى بويىنشا دۇڭگىرشەكتى اشۋ ءۇشىن 3 ميلليون تەڭگە كەرەك ەكەنىن ايتتى. ەگەر مەندە مۇنداي اقشا بولسا، وندا مەن شەبەرحانانى ءوزىم- اق اشپايمىن با؟ ! كوپبالالى انالاردىڭ بيزنەس باستامالارىنا قانداي قولداۋ كورسەتە الاسىزدار؟ كوپتەگەن ادامدار «1000 ورىن - كوشە ساۋداسى» باعدارلاماسىنا قاتىسقىسى كەلەدى. اسىرەسە، ءارتۇرلى اۋرۋلارى بار بالالاردى تاربيەلەيتىن ايەلدەرگە ىڭعايلى بولار ەدى» ، - دەدى ەلوردالىق تۇرعىن.

«ءبىز ءسىزدىڭ ءوتىنىشىڭىزدى ەسكەرەمىز» ، - دەدى ب. سۇلتانوۆ.

سونداي- اق، كوپبالالى انالار ەكى پايىزدىق جەڭىلدىكپەن يپوتەكالىق نەسيەنىڭ قاشان بەرىلەتىنىن، كەي جاعدايلاردا ا ا ك- ءتىڭ نە سەبەپتى بەرىلمەيتىنىن، بالالارعا بەرىلەتىن جاردەماقى «تۇرعىن ءۇي قۇرىلىس جيناق بانكى» ارقىلى پاتەردى الۋ ءۇشىن نە سەبەپتى ەسكەرىلمەيتىنىنە قاتىستى سۇراق قويدى. جينالىس بارىسىندا كوتەرىلگەن سۇراقتاردىڭ بارلىعىنا تۇسىنىكتەمەلەر بەرىلدى.