نەگە كولىكتىڭ قۋاتىن ات كۇشىمەن ولشەيدى؟
سەبەبى قوزعالتقىشقا دەيىن سۋ تارتۋ جۇمىستارىندا جىلقىلار پايلانىلاتىن بولعان. دجەيمس ات كۇشىن انىقتاۋ ماقساتىندا بىرنەشە جىلقىنى تاجىريبەدەن وتكىزەدى. سونىمەن ورتا قۋاتتى جىلقى مۇمكىندىگىنشە ءبىر مينۋتتا 67,5 كەلىنى 66,7 مەترگە جەتكىزە الىپتى. وسىلاي ءبىر اتتىڭ كۇشى سەكۋندىنا 745,2 دجوۋل ەسەبىنە تەڭەستىرىلەدى. "ات كۇشى" تەرمينى اۆتوموبيلدەر ءوندىرىسى قولعا الىنعاننان بەرى ارا- تۇرا قولدانىلا باستاعان. قازىرگى كەزدە دە كولىك نەمەسە اۆياتسيا قوزعالتقىشتارىنىڭ قۋاتىن انىقتاۋ ءۇشىن قولدانىلىپ كەلەدى.
ورتا قۋاتتى كولىكتىڭ قوزعالتقىشى ساعاتىنا 80 شاقىرىم جىلدامدىققا جەتۋى ءۇشىن كەم دەگەندە 20 ات كۇشىنە يە بولۋى كەرەك. "دايملەر- بەنتس" كولىگى كولىك ءوندىرىسى ىلگەرىلەپ دامي باستاعان كەزدە، العاشقى تولىققاندى جۇمىس ىستەيتىن بەنزيندى قوزعالتقىشتى كارل بەنتس پەن گوتتليب دايملەر ويلاپ تابادى. وزدەرىنىڭ اتسىز جۇرەتىن ارباسىن قۇراستىرعاننان كەيىن بەنتس پەن دايملەر ەكى بولەك جۇمىس ىستەي باستايدى. ەكەۋى دە ىشتەن جانعىش قوزعالقىشتاردى ارى قاراي دامىتىپ، كولەمىن دە ءبىرشاما كىشىرەيتە الدى.
بەنتس ءوزىنىڭ ءۇش دوڭگەلەكتى كولىگىن 1885 -جىلى، ال دايملەر ءتورت دوڭگەلەكتى كولىگىن 1887 -جىلى شىعارادى. دەگەنمەن ولار العاشقىدا ات كۇشىمەن ولشەنبەدى. سەبەبى بۋ قوزعالقىشىنىڭ تەحنولوگياسى ەكى نەمىس وتەرتاپقىشىنىڭ جاساعان قۇرىلىمىنان مۇلدە وزگەشە بولاتىن.
دەگەنمەن، بۇعان دەيىن 1826 -جىلى لوندوندىق سامۋەل براۋن بەنزين قوزعالتقىشىنا شامالاس بولاتىن قۇرىلعىمەن جۇرەتىن كولىكتى شىعارىپ، ونىڭ قۋاتىن 4 ات كۇشىنە تەڭەگەن. ودان كەيىن دە اتالعان تەرمين ءبىرشاما ۇمىتىلىپ، قولدانىستان شىعىپ قالادى. Lamborghini Aventador LP1600-4 Mansory Carbonado GT - 1600 ات كۇشىنە يە الەمدەگى ەڭ قۋاتتى كولىك ءبىراق نە بولعانمەن العاشقى قوزعالتقىشتى قۇراستىرۋشىلاردىڭ يدەياسى كەيىن قولداۋعا يە بولىپ، "ات كۇشى" كولىك قۋاتىنىڭ ءبىر ولشەمى رەتىندە تىركەلەدى.
Massaget.kz