+7 (701) 759 90 19
31 °С : نۇر-سۇلتان
31 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

بىلىمگە قارجى جيناۋدىڭ جولى قايسى؟

22 ماۋسىم 15:45
:ءبولىسۋ
بىلىمگە قارجى جيناۋدىڭ جولى قايسى؟

نۇر-سۇلتان. قازاقپارات - مۇنى نەگە ايتىپ وتىرمىز؟

قازاقتىڭ سانى 18 ميلليوننان 18 ميللياردقا جەتەتىن كۇندى دە كورەرمىز. ايتكەنمەن، ءبىز ايتاتىن ماسەلە بۇل ەمەس.

قازىر بانك جاعالاعاننىڭ ءبارى بىردەي قارىزعا كىرىپ جاتىر دەي المايمىز. اقشاسى بار، ازىن-اۋلاق قور جيناعان ازاماتتار بانكتەر ارقىلى ءبىلىم الۋعا قارجى جينايدى. ارينە، بىلىمگە ينۆەستيسيا سالاتىندار كوپ ەمەس بولسا دا، كەلەشەك ءۇشىن قارجى جيناپ، ماقساتتى جوسپار قۇراتىندار نارىقتىڭ قۇبىلمالى جاعدايىن ەسەپكە الا وتىرىپ، قيمىلدايدى.

مۇنى نەگە ايتىپ وتىرمىز؟ ءبىلىم الىپ، وقۋ اياقتاعان تۇلەكتەردىڭ باسىم بولىگى اقىلى وقۋدىڭ قيىندىعىن سەزىنەدى. 4 جىل ىشىندە ۋنيۆەرسيتەتتەرگە ميلليوننان اسا قارجى قۇياتىن اتا-انالار تاڭداۋى تارازىسىنا تۇسكەن تۇلەكتەرگە ماماندىق الىپ بەرەدى. سەبەبى مەملەكەتتىك گرانت سانى شەكتەۋلى. بابى پەن باعى قاتار شاۋىپ، ۇزدىك ۇپاي ەنشىلەگەن جاستار گرانتتا وقي الادى. ال، قالعاندارى اتا- انا قالتاسىنداعى قارجىسىنا ءبىلىم الادى.

ءبىراق، سوڭعى جىلدارى ماماندار سوزىمەن سويلەسەك، مەملەكەتتىك ءبىلىم بەرۋ جيناقتاۋ جۇيەسىنە اقشا سالىپ كەلەدى. مەكتەپ جاسىنداعى بالاسىنا وسى كەزدەن اقشا جيناپ، بانككە ساقتاعان اتا- انالار اقىلى وقۋدىڭ الدىن الا الادى. جاقىندا استاناداعى «قارجى ورتالىعى» اق پرەزيدەنتى اسقار يبراگيموۆ «قازاقپارات» اگەنتتىگىنە بەرگەن سۇحباتىندا دەپوزيتىن بىلىمگە جۇمسايتىنداردىڭ سانى ارتىپ وتىرعاندىعىن نازارعا سالدى.

«قازىرگى كەزدە قازاقستاندىقتار مەملەكەتتىك جيناق جۇيەسىن ءجيى قولدانا باستادى. ولار اقشانى بىلىمگە جۇمساپ جاتىر. جيناق جۇيەسىنە سايكەس، دەپوزيتى بار ادام ەكىنشى دەڭگەيلى بانكتەردەن وقۋعا نەسيە الادى. كەپىلدىك بەرۋدىڭ قاجەتى جوق. سەبەبى قارجى ورتالىعى نەسيەنىڭ قايتارىلۋىنا ءوزى كەپىل بولادى. وقۋدان كەيىن التى اي بەرىلەدى. وسى ۋاقىتتىڭ ىشىندە ءبىلىم العان ادام جۇمىسقا تۇرۋى قاجەت. سودان كەيىن نەسيەنى قايتارۋدى باستايدى»، - دەدى ا. يبرايموۆ.

كۇنى بۇگىنگە دەيىن ەل ازاماتتارىنىڭ بىلىمگە جيناعان اقشاسى 18 ميللياردقا جەتتى. ارينە، 18 ميلليون حالىقتىڭ ءبارى بىردەي قازىناعا قارجى سالىپ جاتقان جوق. دەگەنمەن، سالىمشىلار مەملەكەتتىك ءبىلىم بەرۋ دەپوزيتىنە اي سايىن اقشا اۋدارىپ، قور جينايدى.

اي سايىن جالاقىعا قاراپ، بىرنەشە بالا اسىراپ وتىرعان وتباسىلار ءۇشىن ءبىلىم الۋدىڭ تاعى ءبىر جولى - ءبىلىم نەسيەلەرى. ۇلتتىق ءبىرىڭعاي تەستىلەۋدە مەجەلى ۇپايدان جوعارى بالل جيناعان، ءبىلىم كورسەتكىشتەرى جوعارى، ارنايى الەۋمەتتىك كاتەگوريالارعا جاتاتىن ستۋدەنتتەر قارجى ورتالىعى ارقىلى ءبىلىم نەسيەلەرىن الا الادى. تالاپقا ساي كەلسە، ستۋدەنتكە ورتالىق قارجى اۋدارادى. ال، تالاپكەر 4 جىلدان كەيىن جۇمىسقا تۇرعاننان كەيىن نەسيەسىن اي سايىن وتەيدى. بۇل الەۋمەت ءۇشىن وڭتايلى قادام. قىسقاسى، ءبىلىم الۋعا مۇمكىندىك كوپ. تەك رەتىن تاۋىپ، مەملەكەتتىك ۇسىنعان مۇمكىندىكتى ۋاقىتىندا پايدالانۋ كەرەك.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات