13:06, 02 - مامىر 2019 | GMT +6
جەر ەڭبەك ەتەم دەگەن ازاماتتاردىڭ يەلىگىندە بولۋى كەرەك - توقايەۆ
تالدىقورعان. قازاقپارات - تالدىقورعاندا جۇرتشىلىقپەن كەزدەسۋ بارىسىندا مەملەكەت باسشىسى جەر ماسەلەسىنە قاتىستى اكىمدەرگە ناقتى تاپسىرما بەردى، دەپ حابارلايدى قازاقپارات ءتىلشىسى.
الماتىدا 100 ۋچاسكە مەملەكەت قاجەتتىلىگىنە الىنادى دەپۋتاتتار مەن اشم قوعام قايراتكەرلەرىنىڭ جەردى پايدالانۋعا بايلانىستى ۇسىنىستارىنا پىكىر ءبىلدىردى
«جەر ەڭبەك ەتەم دەگەن ازاماتتاردىڭ يەلىگىندە بولۋى كەرەك. سوندىقتان اكىمدىكتەر ەكى ماسەلەنى شەشىپ السىن. بىرىنشىدەن، جەر تەلىمدەرىن بولۋدە اشىقتىقتى قامتاماسىز ەتۋ كەرەك. ەكىنشىدەن، جەر رەسۋرستارىنىڭ ءتيىمدى پايدالانىلۋىن قاتاڭ قاداعالاۋ قاجەت»، - دەدى ق ر پرەزيدەنتى قاسىم-جومارت توقايەۆ.
ەستەرىڭىزگە سالا كەتەيىك، بۇگىن الماتى وبلىسىنا جۇمىس ساپارىمەن كەلگەن پرەزيدەنت تالدىقورعانداعى سالتانات سارايىندا جۇرتشىلىقپەن كەزدەسىپ، ەركىن فورماتتا تىلدەستى.