قازاقستاندا ۆاليۋتا وپەراتسيالارىن جۇزەگە اسىرۋ قاعيدالارى بەكىتىلدى

نۇر-سۇلتان. قازاقپارات - «قازاقستان رەسپۋبليكاسىندا ۆاليۋتالىق وپەراتسيالاردى جۇزەگە اسىرۋ قاعيدالارىن بەكىتۋ تۋرالى» ق ر ۇلتتىق بانكى باسقارماسىنىڭ 2019-جىلعى 30- ناۋرىزداعى 40№  قاۋلىسى قابىلداندى، دەپ حابارلايدى قازاقپارات ق ر ۇلتتىق بانكىنىڭ باسپا ءسوز قىزمەتىنە سىلتەمە جاساپ.

«قاعيدالار «ۆاليۋتالىق رەتتەۋ جانە ۆاليۋتالىق باقىلاۋ تۋرالى» 2018-جىلعى 2- شىلدەدەگى ق ر زاڭىنا جانە وزگە دە زاڭنامالىق اكتىلەرگە سايكەس ازىرلەنىپ رەزيدەنتتەردىڭ جانە بەيرەزيدەنتتەردىڭ قازاقستانداعى ۆاليۋتالىق وپەراتسيالاردى جۇزەگە اسىرۋ ءتارتىبىن ايقىندايدى»، دەلىنگەن حابارلامادا.

قاعيدالار ادىلەت مينيسترلىگىندە 2019-جىلعى 15- ساۋىردە 18512№  بولىپ تىركەلگەن. قاعيدالار 2019-جىلعى 1- شىلدەدە قولدانىسقا ەنگىزىلەدى.

قاعيدالاردىڭ تولىق ماتىنىمەن قازاقستان ۇلتتىق بانكىنىڭ سايتىندا تانىسۋعا بولادى.