تالدىقورعاندا تۇڭعىش رەت جەمقورلىققا قارسى اۆتوشەرۋ ءوتتى
شارا جاستار جىلى اياسىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنتى مەن وبلىستىق جاستار ساياساتى ماسەلەلەرى جونىندەگى باسقارماسىنىڭ باستاماسىمەن ۇيىمداستىرىلدى.
«ءار كولىك يەسى تالعامى مەن ۇستانىمى قالىپتاسقان تۇلعا ەكەنى بەلگىلى. سول سەبەپتى ءتۇرلى ماركالى كولىكتەر قالا ورتالىعىنا جينالىپ، «سىبايلاس جەمقورلىققا جول جوق»، - دەپ، ءوز ويلارىن ءبىلدىردى.
اۆتورشەرۋگە Mercedes, Audi, Toyota, Volkswagen, Bmw, Subaru, Mitsubishi ماركالى كولىكتەردىڭ كلۋبتارى جانە جول تالعامايتىن كولىكتەر توپتاسقان «كوچەۆنيك» كلۋبتارى قاتىستى»، - دەپ مالىمدەدى شارانى ۇيىمداستىرۋشى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ وكىلى سىمبات يسراپۋلوۆا.
قونايەۆ كوشەسىندە باستالعان اۆتوشەرۋ قالانىڭ باستى كوشەلەرىمەن ءجۇرىپ ءوتىپ، جەرگىلىكتى تۇرعىندار مەن قالا قوناقتارىن سىبايلاس جەمقورلىققا قارسى تۇرۋعا ەرەكشە ادىسپەن شاقىردى.
شاراعا قاتىسۋشى ءار كولىككە «جەتىسۋ - ادالدىق الاڭى» جوباسىنىڭ لوگوتيپى مەن سىبايلاس جەمقورلىققا قارسى قىزمەت كولل- ورتالىعىنىڭ 1424 ءنومىرى بەينەلەنگەن ارنايى جاپسىرما تاعىلدى.
اۆتوشەرۋ سوڭىندا اۆتوكولىكتەر «JASTAR» دەگەن جازۋ جازىپ، شەرۋدىڭ نۇكتەسىن قويدى.