+7 (701) 759 90 19
-22 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

قازاقستان مەن قىتاي كەدەندىك اقپاراتتاردى ونلاين رەجىمدە الماسادى

26 ءساۋىر 20:46
:ءبولىسۋ
قازاقستان مەن قىتاي كەدەندىك اقپاراتتاردى ونلاين رەجىمدە الماسادى

بەيجىڭ. قازاقپارات - ق ر قارجى مينيسترلىگىنىڭ مەملەكەتتىك كىرىستەر كوميتەتى مەن ق ح ر- دىڭ باس كەدەن باسقارماسى ەكىجاقتى ىنتىماقتاستىقتىڭ جەدەل سيپاتتاعى ءبىرقاتار قۇجاتىنا قول قويدى، دەپ حابارلايدى قازاقپارات ءتىلشىسى.

بەيجىڭدە ءوتىپ جاتقان "ءبىر بەلدەۋ، ءبىر جول" حالىقارالىق ىنتىماقتاستىقتىڭ جوعارى دەڭگەيدەگى ەكىنشى فورۋمى اياسىندا سىرتقى ساۋدانىڭ كەدەندىك ستاتيستيكاسى سالاسىنداعى اقپاراتتارمەن الدىن الا الماسۋ، ادىستەمەلىك جانە اقپاراتتىق ءوزارا ءىس- قيمىل تۋرالى حاتتاما، سونىمەن قاتار وكىلەتتى ەكونوميكالىق وپەراتورلاردى ءوزارا تانۋ تۋرالى مەموراندۋم راسىمدەلدى.

قۇجاتتارعا ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى مارات سۇلتانعازيەۆ پەن ق ح ر باس كەدەن باسقارماسى ءتوراعاسىنىڭ ورىنباسارى لي گو ق ر پرەمەر- ءمينيسترىنىڭ ورىنباسارى جەڭىس قاسىمبەك پەن ق ح ر باس كەدەن باسقارماسىنىڭ ءتوراعاسى ني يۋەفەننىڭ كەلىسسوزدەرى اياسىندا قول قويدى.

"ەكى ەلدىڭ كەدەن قىزمەتتەرى ونلاين رەجىمدە جۇكتەر تۋرالى، ونىڭ ىشىندە كەدەندىك قۇنى تۋرالى اقپاراتتاردى ءوزارا بەرۋگە ۋاعدالاستى. بۇل تاريحي شەشىم. مۇنداي ءوزارا ءىس- قيمىلدىڭ باستى مىندەتى كەدەندىك ستاتيستيكا مالىمەتتەرىندەگى ايىرماشىلىق دەڭگەيىن تومەندەتۋ بولىپ سانالادى"، - دەدى م. سۇلتانعازيەۆ.

ونىڭ اتاپ وتۋىنشە، وكىلەتتى ەكونوميكالىق وپەراتورلاردى ءوزارا تانۋ تۋرالى مەموراندۋمعا قول قويۋ ءۇشىن سوڭعى 5 جىل بويى جۇمىس جۇرگىزىلگەن. كەدەندىك راسىمدەۋ جانە باقىلاۋ پروتسەدۋرالارىن جەڭىلدەتۋ قازاقستاننىڭ وكىلەتتى ەكونوميكالىق وپەراتورلارىنا قىتايدىڭ ۇلكەن نارىعىنا شىعۋىن جەڭىلدەتەدى، يمپورت، ەكسپورت جانە لوگيستيكالىق ينفراقۇرىلىمدى دامىتۋ ءۇشىن جاڭا مۇمكىنشىلىكتەر اشادى. سول ارقىلى قازاقستان ەكونوميكاسىنىڭ مۇنان ارى تۇراقتى دامۋىنا جاعداي جاسايدى.

اۋىل شارۋاشىلىعى ونىمدەرى ءۇشىن "جاسىل ءدالىز"، بىرلەسكەن كەدەندىك باقىلاۋ جانە الدىن الا اقپاراتتاندىرۋ سىندى ماڭىزى زور جوبالار اياسىنداعى ەكى ەلدىڭ كەدەندىك قىزمەتتەرىنىڭ ىنتىماقتاستىعى كەدەندىك قىزمەتتەردىڭ اراسىنداعى ءوزارا ءىس- قيمىلدى نىعايتىپ قانا قويماي، سونىمەن بىرگە "نۇرلى جول" مەن ء"بىر بەلدەۋ، ءبىر جول" باستاماسىن ءتيىمدى ىلگەرىلەتۋگە دە مۇمكىندىك بەرەدى"، - دەدى م. سۇلتانعازيەۆ.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات