+7 (701) 759 90 19 Лента
8 °С : استانا
13 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

ا ق ش- تان كەلگەن مامان قاراعاندىلىق ۇستازدارعا كۋرس وتكىزدى

26 ءساۋىر 18:52 277
:ءبولىسۋ
ا ق ش- تان كەلگەن مامان قاراعاندىلىق ۇستازدارعا كۋرس وتكىزدى

 قاراعاندى. قازاقپارات - قاراعاندىلىق مۇعالىمدەر ەڭ جاڭا زەرتحانالىق جابدىقتارمەن جۇمىس جاساۋدى ۇيرەندى. زاماناۋي قۇرىلعىلاردى پايدالانۋ كۋرسىن ا ق ش- تان كەلگەن مامان وتكىزدى، دەپ حابارلايدى قازاقپارات ءتىلشىسى.

حيميا، فيزيكا جانە بيولوگيا پاندەرىنىڭ مۇعالىمدەرى شەتەلدىك ماماننان ۇيرەنگەن ءبىلىمىن تاجىريبە جۇزىندە قولدانىپ، وقۋشىلارمەن بىرگە عىلىمي زەرتتەمەلەر مەن سىناقتار وتكىزەتىن بولادى. بۇل ءوز كەزەگىندە دارىستەردى اناعۇرلىم قىزىعىراق ەتۋگە سەپتىگىن تيگىزەدى.

«قاراعاندىلىق مەكتەپتەرگە فيزيكا، حيميا جانە بيولوگيا پاندەرىنىڭ ساباقتارى ءۇشىن ينتەراكتيۆتى زەرتحانالار ساتىپ الىندى. قازىرگى تاڭدا ونداي زەرتحانالار جۇزدەن استام وقۋ ورداسىندا ورناتىلعان. ەندى ول جابدىقتاردى قولدانا الۋ ءۇشىن پەداگوگتاردى وقىتۋ ماسەلەسى كوتەرىلدى. Kazdidac قاۋىمداستىعى جانە «بازيسنىي ماگازين» كومپانياسىمەن بىرلەسە وتىرىپ، ءبىز مۇعالىمدەرگە ارنالعان كۋرس ۇيىمداستىردىق. ول ءۇشىن ا ق ش- تان داتچيك وندىرەتىن كومپانيانى تانىستىراتىن تەرنەردى ارنايى شاقىرتتىق» ، - دەيدى قاراعاندى وبلىسىنىڭ ءبىلىم بەرۋدى دامىتۋ وقۋ- ادىستەمەلىك ورتالىعىنىڭ ديرەكتورى ەسبول ارىنوۆ.

 كۋرستى تىڭداۋعا وبلىستىڭ بىرنەشە قالاسى مەن اۋداندارىنداعى 10 مەكتەپتىڭ مۇعالىمدەرى جينالدى. جاتتىقتىرۋشىنىڭ جەتەكشىلىگىمەن ولار ءتۇرلى داتچيكتەردىڭ جۇمىسىن مەڭگەردى: ماگنيت كۇشتەرىن، دىبىستىق تولقىنداردى، جۇرەك ىرعاقتارىن، وسىمدىكتەر فوتوسينتەزىن ولشەدى جانە باسقا زەرتتەۋلەردى وتكىزۋدە تاجىريبە جيناقتادى.


ا ق ش- تان كەلگەن مامان قاراعاندىلىق ۇستازدارعا كۋرس وتكىزدى

 «مەنىڭ مىندەتىم - مۇعالىمدەرگە عىلىمي زەرتحانادا زاماناۋي تەحنولوگيالاردى قولدانۋدى ۇيرەتۋ بولدى. بۇل - وقۋ پروتسەسىنە ەنگىزىلەتىن جاڭا جابدىقتار. ونى پايدالانۋ اياسى تەك فيزيكا، حيميا نەمەسە بيولوگيا سياقتى پاندەرمەن عانا شەكتەلىپ قالماي، ودان دا كەڭ اۋقىمدى قامتيدى. مىسالى، ول فيزيولوگيا نەمەسە جەر تۋرالى عىلىم بولۋى دا مۇمكىن. بۇل داتچيكتەردىڭ ارتىقشىلىعى - مۇعالىمگە دە، وقۋشىعا دا از ۋاقىت ىشىندە ۇلكەن جۇمىس اتقارۋعا مۇمكىندىك بەرەدى. كوپ جازۋدىڭ قاجەتى جوق - كومپيۋتەر ءوزى بارلىق دەرەكتەردى جينايدى، تىركەيدى، ولاردىڭ كەستەسىن جاسايدى. جابدىقتار پايدالانۋشىلار ءۇشىن قاراپايىم، ونىمەن 14 جاستان جوعارى وقۋشىلار جۇمىس ىستەي الادى» ، - دەپ ءتۇسىندىردى ترەنەر دجەرارد ەزكۋررا.

 امەريكاندىق ماماننىڭ ايتۋىنشا، تىڭداۋشىلار بارلىعىن جىلدام مەڭگەرىپ وتىرعان. شەتەلدىك وقىتۋشىعا جەرگىلىكتى مۇعالىمدەردىڭ ءوز وقۋشىلارىنىڭ يگىلىگى ءۇشىن جاڭا بىلىمگە دەگەن ۇمتىلىسى قاتتى ۇناعان ەكەن.

«مەن بيولوگيا پانىنەن ساباق بەرەمىن. بۇل كۋرس وتە قاجەت جانە پايدالى. ءبىلىمنىڭ جەتىسپەۋىنەن ءبىز بۇل جابدىقتى قالاي پايدالانۋ كەرەكتىگىن بىلمەدىك. ەندى زەرتحانالىق جۇمىستاردى ءارتۇرلى زەرتتەۋلەرمەن تولتىرا الامىز. جاتتىقتىرۋشى بىزگە بارلىعىن وتە قىزىقتى ەتىپ كورسەتتى. مىسالى، فوتوسينتەز بويىنشا تاجىريبە جۇرگىزىپ، وسىمدىكتى ءتۇرلى جارىقتا كولباعا ورنالاستىرا وتىرىپ زەرتتەۋلەر جاسادىق» ، - دەيدى قاراعاندى قالاسى №79 ورتا مەكتەبىنىڭ ءمۇعالىمى ءلاززات كوبەنوۆا.


ا ق ش- تان كەلگەن مامان قاراعاندىلىق ۇستازدارعا كۋرس وتكىزدى

سونىمەن قاتار، مۇعالىمدەر شەت ءتىلىنىڭ مامانىمەن تاجىريبە الماستى. سەبەبى وقىتۋشى ساباقتى اعىلشىن تىلىندە وتكىزدى.

4 كۇندىك كۋرس اياقتالعاننان كەيىن تىڭداۋشىلارعا سەرتيفيكاتتار تابىس ەتىلدى. بۇل ولارعا كەلەشەكتە ارىپتەستەرىن وقىتۋ ءۇشىن ترەنەر بولۋعا مۇمكىندىك بەرەدى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات