+7 (701) 759 90 19 Лента
8 °С : استانا
13 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

ءدارى ەمەس، قىمىز

26 ءساۋىر 18:07 311
:ءبولىسۋ
ءدارى ەمەس، قىمىز

 نۇر - سۇلتان. قازاقپارات - تاراز قالاسىنداعى م. ح. دۋلاتي اتىنداعى مەملەكەتتىك ۋنيۆەرسيتەتتىڭ عالىمدارى ءدارى سياقتى تۇيىرشەكتەلگەن قىمىز ازىرلەۋدى قولعا الدى. ياعني، ءبىر ءتۇيىر ءدارىنى جارتى ليتر سۋعا ارالاستىرعاندا، ول جارتى ليتر قىمىزدىڭ ەكۆيۆالەنتىنە تەڭ بولادى.

 وقۋ ورنىنىڭ يساباي بەكباساروۆ باسقاراتىن عىلىم جانە جاڭا تەحنولوگيالار دەپارتامەنتى «ابسەنت» شارۋاشىلىعىمەن بىرلەسىپ، قىمىز ءوندىرىسىن عىلىمي جولمەن دامىتىپ كەلەدى. جاڭاشىلدىقپەن جولعا قويىلا باستاعان شارۋاشىلىق «حان قىمىز» قىمىز ءوندىرىسىن جانداندىرۋدا.

«ۋنيۆەرسيتەت زەرتحاناسى ءالى دە ىزدەنىس ۇستىندە. بۇگىندە ەكى اي كولەمىندە قىمىزدى ەكى اي بويى ساقتاۋعا بولاتىندىعىن دالەلدەدىك. الداعى ۋاقىتتا، قىمىزدىڭ ساقتالۋ مەرزىمىن التى ايعا جەتكىزۋدى جوسپارلاپ وتىرمىز. سونداي- اق، تەك ۇنتاق جانە تۇيىرشىك تۇرىندەگى قىمىزدى زەرتتەۋمەن شەكتەلمەي، قۇرعاتىلعان بيە سۇتىنەن ءداندى داقىلدار نەگىزىندە بالالار تاعامىن جاساۋدى دا زەردەلەۋ ۇستىندەمىز» ، - دەيدى يساباي بەكباساروۆ.

ايتا كەتەيىك، تاراز قالاسىندا قىمىز ءوندىرىسىن عىلىمي تۇرعىدان جانداندىرۋ ماقساتىندا قاۋىمداستىق تا قۇرىلعان. قاۋىمداستىقتىڭ پرەزيدەنتى بولىپ اتالعان وقۋ ورنىنىڭ رەكتورى ماحمەتعالي سارىبەكوۆ تاعايىندالعان بولاتىن. بۇگىندە جيىرما ەكى ادام قاۋىمداستىقتىڭ قاتارىندا. جىلىنا ەكى- ءۇش مارتە باسقوسۋ ۇيىمداستىرىلىپ، سالاداعى وزەكتى ماسەلەلەر تالقىلانىپ وتىرادى.

سونىمەن قاتار، جوعارىدا اتالعان يگى باستامانىڭ جالعاسى رەتىندە قاۋىمداستىق پرەزيدەنتى قىمىز وندىرۋشىلەردىڭ پالاتاسىن قۇرۋ جوسپارى بار ەكەندىگىن دە ءوز ءسوزىنىڭ بىرىندە ايتقان ەدى.

 

 اسحات رايقۇل


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات