داريعا نازاربايەۆا: ءبىزدىڭ ورتاق ماقساتىمىز - ازاماتتاردىڭ ءومىر ساپاسىن ارتتىرۋ

 نۇر- سۇلتان. قازاقپارات - جەرگىلىكتى مەملەكەتتىك باسقارۋ ورگاندارىنىڭ قىزمەتىن ناقتى مازمۇنمەن بايىتۋ جانە جەرگىلىكتى ءوزىن- ءوزى باسقارۋدى تولىققاندى جۇمىسپەن قامتاماسىز ەتۋ.

 پارلامەنت سەناتىنىڭ ءتوراعاسى داريعا نازاربايەۆا نۇر- سۇلتاندا وتكەن كەزدەسۋدە استانا ءماسليحاتى دەپۋتاتتارىنىڭ الدىنا وسىنداي مىندەتتەر قويدى، دەپ حابارلايدى قازاقپارات سەناتتىڭ باسپا ءسوز قىزمەتىنە سىلتەمە جاساپ.

«قولدانىستاعى زاڭناما جەرگىلىكتى بيلىك ورگاندارىنا ايتارلىقتاي وكىلەتتىك بەرەدى. بيۋدجەت قاراجاتىن جۇمساۋدىڭ باسىمدىقتارىن انىقتاۋ، قولدا بار قارجى رەسۋرستارىن دۇرىس ءبولۋ، جەرگىلىكتى بيۋدجەتتىڭ ورىندالۋىن باقىلاۋ ءماسليحات دەپۋتاتتارىنا بايلانىستى» ، - دەدى سەنات باسشىسى.

ءماسليحات حاتشىسى جانات نۇرپەيىسوۆ ءماسليحاتتىڭ كوشپەلى كوميسسياسى تۇراقتى تۇردە جۇمىس ىستەيتىنىن ءارى جاريا تىڭداۋلار قارساڭىندا نىساندارعا بارىپ، ەلوردا تۇرعىندارىمەن كەزدەسەتىنىن جانە قالانىڭ جاي- كۇيىنىڭ ناقتى باعاسىن الاتىنى تۋرالى حاباردار ەتتى. استانالىق ءماسليحات دەپۋتاتى رامزيا ومىربايەۆا قالانىڭ الەۋمەتتىك سالاسىن جاقسارتۋ جولىندا جاسالعان دەپۋتاتتىق باستامالار تۋرالى ايتتى.

سەنات ءتوراعاسى ءماسليحاتتار قىزمەتىن دامىتۋدىڭ وزەكتى ماسەلەلەرىن ەگجەي- تەگجەيلى تالقىلاعاننان كەيىن ۇلەستىك قۇرىلىستاردىڭ ماسەلەلەرى، حالىقتىڭ الەۋمەتتىك ءالسىز توپتارىن تۇرعىن ۇيمەن قامتاماسىز ەتۋ، قالالىق ينفراقۇرىلىمدى جاقسارتۋ جانە باسقا دا جەدەل شەشۋدى تالاپ ەتەتىن ءبىرقاتار وزەكتى ماسەلەلەرگە شاراعا قاتىسۋشىلاردىڭ نازارىن اۋداردى.

«ءبىزدىڭ ورتاق ماقساتىمىز - ازاماتتاردىڭ ءومىر ءسۇرۋ دەڭگەيى مەن ساپاسىن ارتتىرۋ. ادامدار جاقسى جاڭالىقتار مەن وزگەرىستەردى كۇتەدى. جانە ەرتەڭ ەمەس، بۇگىن كۇتىپ وتىر» ، - دەدى د. نازاربايەۆا.

سەنات باسشىسى سونداي- اق ماڭىزدى مەملەكەتتىك باعدارلامالاردى حالىق اراسىنا جەتكىزۋ مەن حاباردار ەتۋ جۇمىستارىنىڭ ناشار ەكەنىن اتاپ ءوتتى. د. نازاربايەۆانىڭ پىكىرىنشە، بۇل - جەرگىلىكتى الەۋمەتتىك قىزمەتتەر جۇمىسىنداعى ولقىلىقتار.

سەنات ءتوراعاسى حالىقتىڭ تۇرعىن ءۇي ماسەلەسىن شەشۋ ءۇشىن بيۋدجەتتىك تۇرعىن ءۇي مەن جاتاقحانا سالۋعا كاسىپكەرلەردى تارتۋدى ۇسىندى. سونداي- اق اۋديتتىڭ تاۋەلسىزدىگى مەن تيىمدىلىگى جانە ايماقتارداعى تەكسەرۋ كوميسسيالارىنىڭ باقىلاۋ مىندەتتەرىن قامتاماسىز ەتۋدىڭ قاجەتتىگى اتاپ ءوتىلدى.

جوعارعى پالاتانىڭ باسشىسى ءماسليحات دەپۋتاتتارىن زاڭ جوبالارىن ازىرلەۋگە بەلسەندى قاتىسۋعا، ولاردى ىسكە اسىرۋ كەزەڭىندە ءوز ەسكەرتۋلەرى مەن ۇسىنىستارىن بەرۋگە، ال سەناتورلارعا - سايلاۋشىلاردىڭ ناقتى پروبلەمالارىن ءبىلۋ جانە ولاردى جەدەل شەشۋ ءۇشىن ءماسليحات دەپۋتاتتارىمەن ءجيى قارىم- قاتىناس جاساۋعا شاقىردى.