پارىز بايقاۋىنا ءوتىنىم قابىلداۋ باستالدى
شارانى ۇيىمداستىرۋشىلار ەڭبەك جانە حالىقتى الەۋمەتتىك قورعاۋ مينيسترلىگى، ەنەرگەتيكا مينيسترلىگى، «اتامەكەن» ۇلتتىق كاسىپكەرلەر پالاتاسى مەن كاسىپوداقتار فەدەراتسياسى بيزنەستىڭ الەۋمەتتىك جاۋاپكەرشىلىگى جونىندەگى كونكۋرسقا ءوتىنىم قابىلداۋ باستالعانىن حابارلايدى.
كونكۋرس جىل سايىن ەكى كەزەڭدە - وڭىرلىك جانە رەسپۋبليكالىق دەڭگەيدە وتكىزىلەدى. وڭىرلىك جانە رەسپۋبليكالىق كەزەڭدەرگە قاتىسۋ تەگىن. كونكۋرس لاۋرەاتى اتاعىنا ۇمىتكەرلەر ماتەريالداردى راسىمدەيدى جانە وبلىس، رەسپۋبليكالىق ماڭىزى بار قالالار جانە استانانىڭ جەرگىلىكتى اتقارۋشى ورگاندارىنا قاعاز جانە ەلەكتروندى تۇردە ۇسىنادى.
«پارىز» بايقاۋى تۋرالى تولىق مالىمەت الۋ ءۇشىن وبلىستاردىڭ، نۇر- سۇلتان، الماتى جانە شىمكەنت قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا نەمەسە ەڭبەك ينسپەكسياسى باسقارماسىنا جانە 87172743511 تەلەفونى ارقىلى ەڭبەك مينيسترلىگىنىڭ الەۋمەتتىك ارىپتەستىك باسقارماسىنا حابارلاسۋعا بولادى.