تۇركىستانداعى قۇرىلىسقا قاجەتتى قارجى، وزگە دە ماسەلەلەر شەشىلگەن - اسقار مامين
جيىن بارىسىندا 2019-2020 -جىلدارعا ارنالعان تۇركىستان قالاسىن دامىتۋدىڭ كەشەندى جوسپارى مەن دامۋىن جانە تۇركىستان ايماعىن 2024 -جىلعا دەيىن الەۋمەتتىك- ەكونوميكالىق دامىتۋدىڭ كەشەندى جوسپارىنىڭ جوباسىن جۇزەگە اسىرۋ ماسەلەلەرى تالقىلاندى، دەپ حابارلايدى قازاقپارات ءتىلشىسى.
قازىرگى تاڭدا تۇركىستاندا تۇرعىن ءۇي قۇرىلىسى جوبالارىن ىسكە اسىرۋ مەن كولىك ينفراقۇرىلىمىن دامىتۋ، سۋمەن جابدىقتاۋ جانە سانيتاريا، ەنەرگەتيكا، گاز جانە جىلۋمەن قامتاماسىز ەتۋ جانە ت. ب. جۇمىستارعا رەسپۋبليكالىق بيۋدجەتتەن قاجەتتى قاراجات بولىنۋدە. تۇرعىن ءۇيدىڭ قولجەتىمدىلىگىن قامتاماسىز ەتۋ ماقساتىندا جىل سوڭىنا دەيىن 2300 پاتەردەن اساتىن 52 كوپقاباتتى تۇرعىن ءۇي پايدالانۋعا بەرىلەدى. سونداي- اق، «نۇرلى جەر» باعدارلاماسى اياسىندا 20 ءۇيدى ەل يگىلىگىنە تاپسىرۋ جوسپارلانۋدا. ناتيجەسىندە 1200 جانۇيا جالدامالى تۇرعىن ۇيمەن قامتاماسىز ەتىلەدى. ونىڭ 270 ءى از قامتىلعان وتباسىلارعا ۇسىنىلماق. ودان بولەك، اكىمشىلىك - ىسكەرلىك ورتالىققا سۋ ماگيسترالىن تارتۋ جۇمىستارى جۇرگىزىلۋدە. كولىك ينفراقۇرىلىمىن دامىتۋ ءۇشىن تۇركىستان وبلىسىنىڭ جەرگىلىكتى جەلىسىندە جولداردى كۇردەلى جانە ورتاشا جوندەۋ ءۇشىن 23 جوبا جۇزەگە اسىرىلاتىن بولادى. بيىلعى جىلى 1000 ك م- دەن استام جولدى جوندەۋ كوزدەلىپ وتىر.
2019-2024 -جىلدارى تۇركىستان قالاسىندا ەنەرگەتيكا، گاز جانە جىلۋمەن قامتاماسىز ەتۋ ينفراقۇرىلىمىن دامىتۋ بويىنشا سەگىز جوبا جۇزەگە اسىرىلادى. ياعني، «ياسى» ، «سولتۇستىك» ، «ورتالىق» قوسالقى ستانتسيالارى مەن گاز جەلىلەرىن سالۋ جانە كەنتاۋ قالاسىنداعى جىلۋ- ەنەرگەتيكالىق ورتالىقتى قايتا قۇرۋ جۇمىستارى جۇرگىزىلەدى.
وبلىستى گازداندىرۋ جۇمىستارى اياسىندا جىل سوڭىنا دەيىن قالا بويىنشا 31,1 شاقىرىم ماگيسترالدىق گاز قۇبىرى، سونداي- اق وتىرار، شافگار، ياسسى جانە بەكزات تۇرعىن اۋداندارىندا 193 شاقىرىم گاز تاراتۋ جەلىلەرى قۇرىلاتىن بولادى. 2020 -جىلعا قاراي گازداندىرۋ دەڭگەيى 100 پايىزعا جەتەدى.
تۇركىستان قالاسىن مادەني- رۋحاني، جوعارى دامىعان تۋريستىك ورتالىققا اينالدىرۋ ءۇشىن تاريحي نىسانداردى قالپىنا كەلتىرۋ جانە جەتىلدىرۋگە باعىتتالعان جوبالار جۇزەگە اسىرىلۋدا. حالىقارالىق ساراپشىلار توبىمەن بىرگە ق. ا. ياساۋي كەسەنەسىنىڭ الەمدىك ماڭىزدىلىعىن ەسكەرە وتىرىپ، ونىڭ كورنەكىلىك كەلبەتىن جاقسارتۋ ءۇشىن بەكىنىستىك قابىرعاسىن قايتا قالپىنا كەلتىرۋ شارالارى قولعا الىنباق.
جيىن سوڭىندا ق ر پرەمەر- ءمينيسترى ا. مامين قۇرىلىس جۇمىستارىن قارقىنداتۋدى جانە شارۋانى جوسپار بويىنشا اتقارۋدى تاپسىردى.
«ەلباسى تۇركىستان قالاسىن دامىتۋعا ەرەكشە كوڭىل ءبولىپ وتىر. ۇكىمەت تاراپىنان بارلىق قارجى جانە باسقا دا ماسەلەلەر شەشىلگەن» ، - دەدى اسقار مامين.