توقايەۆ: قۇنانبايدىڭ ەل تاريحىنداعى ەڭبەگىن ۇمىتپاۋىمىز قاجەت
بۇل تۋرالى تۋرالى مەملەكەت باسشىسى قاسىم-جومارت توقايەۆ سەمەي قالاسىنىڭ زيالى قاۋىم وكىلدەرىمەن كەزدەسۋىندە ايتتى، دەپ حابارلايدى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ.
«ۇلى ابايدى ۇلىقتاعاندا، ونىڭ اكەسى - قۇنانبايدىڭ ەل تاريحىنداعى ەڭبەگىن ۇمىتپاۋىمىز قاجەت. ول - سەمەيدە عانا ەمەس، تۇتاس قازاق تاريحىندا ءوز ورنى بار تۇلعا. ونى حالقىمىز جاقسى بىلەدى، قادىر تۇتادى»، - دەدى مەملەكەت باسشىسى.
ق ر پرەزيدەنتى وسىعان وراي، الداعى ۋاقىتتا وبلىس اكىمدىگى قۇنانبايدىڭ ەسىمىن ۇلىقتاۋعا بايلانىستى ءتيىستى شارالار قابىلداۋ مۇمكىندىگىن قاراستىرۋى قاجەت ەكەندىگىن ايتتى.
«جاس ۇرپاققا جاقسى ۇلگى- ونەگە بولاتىن ءىستى مەن ءارقاشان قولدايمىن. ەلباسىنىڭ «رۋحاني جاڭعىرۋ» باعدارلاماسىن جۇزەگە اسىرۋ ءۇشىن ءبىز، شىن مانىندە، وسىنداي ساباقتاستىق داستۇرىنە جول اشاتىن بىرەگەي باستامالاردى قولعا الۋىمىز كەرەك»، - دەدى قاسىم-جومارت توقايەۆ.
ەسكە سالا كەتەيىك، قازاقستان پرەزيدەنتى قاسىم-جومارت توقايەۆ شىعىس قازاقستان وبلىسىنا جۇمىس ساپارىن سەمەي قالاسىنان باستالعاندىعى تۋرالى حابارلاعان بولاتىنبىز.