+7 (701) 759 90 19
5 °С : نۇر-سۇلتان
18 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

پوليگون زاردابىن تارتقان ازاماتتارعا جاسالاتىن جەڭىلدىك لايىقتى دەڭگەيدە بولۋى قاجەت - توقايەۆ

26 ءساۋىر 13:40
:ءبولىسۋ
پوليگون زاردابىن تارتقان ازاماتتارعا جاسالاتىن جەڭىلدىك لايىقتى دەڭگەيدە بولۋى قاجەت - توقايەۆ

سەمەي. قازاقپارات - پوليگون زاردابىن تارتقان ازاماتتارعا جاسالاتىن جەڭىلدىك لايىقتى دەڭگەيدە بولۋى قاجەت.

بۇل تۋرالى تۋرالى مەملەكەت باسشىسى قاسىم-جومارت توقايەۆ سەمەي قالاسىنىڭ زيالى قاۋىم وكىلدەرىمەن كەزدەسۋىندە ايتتى، دەپ حابارلايدى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ.

«پوليگون زاردابىن تارتقان ازاماتتارعا جاسالاتىن جەڭىلدىك لايىقتى دەڭگەيدە بولۋى قاجەت. قازىر «سەمەي پوليگونىنداعى يادرولىق سىناقتىڭ تاۋقىمەتىن تارتقان تۇرعىنداردى قورعاۋ جانە وڭالتۋعا ارنالعان بۇعان دەيىنگى شارالاردىڭ تيىمدىلىگى» جونىندە ارنايى زەرتتەۋ جۇرگىزىلۋدە.

جىل سوڭىنا دەيىن پوليگون ايماعىنداعى تۇرعىندار مەن ولاردىڭ ۇرپاقتارىنا يادرولىق سىناقتاردىڭ تيگىزگەن زيانىن ناقتىلاپ، الەۋمەتتىك كەپىلدىكتەردىڭ كولەمىن انىقتايمىز.

ۇكىمەتكە پوليگون اۋماعىنداعى حالىققا بەرىلەتىن الەۋمەتتىك كومەكتىڭ مولشەرى جونىندە ناقتى ۇسىنىستار ازىرلەۋدى تاپسىرامىن»، - دەدى قاسىم-جومارت توقايەۆ سەمەي قالىسىنىڭ زيالى قاۋىم وكىلدەرىمەن كەزدەسۋىندە.

سونداي-اق، پرەزيدەنت وڭىردەگى تاعى ءبىر كۇردەلى احۋال سەمەيدەگى يادرولىق مەديتسينا ورتالىعىنىڭ قۇرىلىسىنا قاتىستى بولىپ وتىرعاندىعىنا توقتالدى.

«اتالعان ماسەلە 2012-جىلدان بەرى ايتىلىپ كەلەدى. جاعدايدىڭ ءمان-جايىن مەن جاقسى بىلەمىن. ورتالىقتىڭ قۇرىلىسى ابدەن سوزىلىپ كەتتى. بۇل ءتيىستى مەملەكەتتىك ورگانداردىڭ ادام تاعدىرىنا سونشالىقتى جاۋاپسىز قاراپ وتىرعانىن كورسەتەدى. سوندىقتان، ايتىس-تارتىستى دەرەۋ توقتاتىپ، ەلگە ءتيىمدى ورتاق مامىلەگە كەلۋ كەرەك. وبلىس اكىمى مەن دەنساۋلىق ساقتاۋ مينيسترىنە ورتالىقتى جابدىقتاپ، قىسقا مەرزىم ىشىندە ىسكە قوسۋدى قاتاڭ تاپسىرامىن»، - دەدى ول.

مەملەكەت باسشىسى پوليگوننىڭ سالدارىنان ءتۇرلى دەرتكە شالدىققان ازاماتتاردى ءتيىستى دەڭگەيدە ەمدەۋمەن قاتار، ولارعا وڭالتۋ قىزمەتىن كورسەتۋ مۇمكىندىكتەرىن دە قاراستىرۋ قاجەتتىگىنە نازار اۋدارتتى.

«سەمەيدە جانە وسى وڭىرگە قاراستى اۋىلداردا 1300 دەن استام مۇمكىندىگى شەكتەۋلى بالا بار. قاجەتتى جاعداي جاسالماعان تار عيماراتتا ورنالاسقان وڭالتۋ ورتالىعى ءبىر ۋاقىتتا 35 بالا عانا قابىلداي الادى. بۇل - شىندىق. مۇنداي جاعداي مۇلدە سىن كوتەرمەيدى. وبلىس اكىمىنە ماسەلەنى دەرەۋ قولعا الىپ، ءتيىستى شارالار قابىلداۋدى تاپسىرامىن. قالادا بالالاردى وڭالتۋ ورتالىعىن سالۋ مۇمكىندىگىن قاراستىرۋ قاجەت. بۇل پوليگون اۋماعىنا قاتىستى اتقارىلاتىن جۇمىستار»، - دەدى قاسىم-جومارت توقايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات