+7 (701) 759 90 19 Лента
14 °С : استانا
19 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

ەۋرازيا قايتا بىرىگىپ جاتىر - نۇرسۇلتان نازاربايەۆ

26 ءساۋىر 13:13 332
:ءبولىسۋ
ەۋرازيا قايتا بىرىگىپ جاتىر - نۇرسۇلتان نازاربايەۆ

بەيجىڭ. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ «ءبىر بەلدەۋ، ءبىر جول» حالىقارالىق ىنتىماقتاستىق جونىندەگى جوعارى دەڭگەيدەگى 2-فورۋمىنىڭ اشىلۋىندا قازاقستاننىڭ ترانزيتتىك-كولىكتىك الەۋەتى تۋرالى ايتتى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

ەلباسى «ءبىر بەلدەۋ، ءبىر جول» باستاماسى جەتىستىكتەرىنىڭ ءبىرى - گەوگرافيا مەن تەڭسىزدىك سىن-تەگەۋرىندەرىن وراعىتۋ ەكەنىن اتادى.

«ەۋرازيا قايتا بىرىگىپ جاتىر. ەكى مىڭ جىل بۇرىنعىداي قۇرلىعىمىزدىڭ شالعاي جاتقان ءتۇرلى بولىكتەرى ءبىر ارناعا توعىستى. قىسقا ۋاقىتتىڭ ىشىندە كۇردەلى تابيعي لاندشافتار مەن گەوساياسي قاراما-قايشىلىقتاردى باستان وتكەرىپ، بىرلەسىپ ەكونوميكالىق ءدالىز قۇرا بىلدىك. زاماناۋي لوگيستيكانىڭ، مەملەكەتتەردىڭ ءوزارا تۇسىنىستىگىنىڭ ارقاسىندا وڭتۇستىك-شىعىس ازياداعى تاۋارلار سولتۇستىك ەۋروپا قالالارىنا بار بولعانى 2 اپتانىڭ ىشىندە جەتىپ جاتىر. بۇنىڭ نەگىزىندە پراگماتيزم، وركەندەۋگە ۇمتىلۋ جاتىر»، - دەدى ن. نازاربايەۆ.

نۇرسۇلتان نازاربايەۆ قازاقستاننىڭ ەۋرازيانىڭ ءدال ورتاسىندا ءتيىمدى ورنالاسقانىن ەسكە سالدى. ءبىزدىڭ مەملەكەتىمىز ارقىلى ازيا مەن ەۋروپا قىسقا جولمەن بايلانىسىپ جاتىر.

«قولدا بار ترانزيتتىك الەۋەتتى جۇزەگە اسىرۋ ماقساتىندا «نۇرلى جول» ۇلتتىق باعدارلامامىزدى «ءبىر بەلدەۋ، ءبىر جول» باستاماسىمەن يمپلەمەنتاتسيالادىق. سوڭعى 10 جىلدا قازاقستان 30 ميلليارد ا ق ش دوللارى كولەمىندەگى قاراجاتتى ينفراقۇرىلىمدى، كولىكتىك-لوگيستيكالىق اكتيۆتەر مەن قۇزىرەتتەردى دامىتۋعا ينۆەستيتسيالادى. 3 مىڭ شاقىرىم تەمىر جولدى، 12,5 مىڭ شاقىرىم اۆتوموبيل جولدارىن پايدالانۋعا بەردىك نەمەسە جوندەۋدەن وتكىزدىك. وتاندىق تەڭىز جانە اۋە ايلاقتارى قايتا قۇرىلدى. ەلىمىزدە قىسقا ۋاقىت ىشىندە زاماناۋي باسەكەگە قابىلەتتى ترانزيتتىك حاب قۇرىلدى. بۇل جولداردىڭ بارلىعى ءبىز ارقىلى، ورتالىق ازيا ارقىلى، ءبىزدىڭ كورشىلەرىمىز ارقىلى باسقا ەلدەرگە ءوتىپ جاتىر»، - دەدى ەلباسى.

ن. نازاربايەۆ 2016-جىلدان باستاپ «نۇرلى جول» باعدارلاماسى «جىبەك جولى ەكونوميكالىق بەلدەۋىمەن» تۇيىندەسىپ، تابىستى جۇزەگە اسىرىلىپ جاتقانىن ەسكە سالدى.

«ەۋروپانى قىتايمەن رەسەي جانە قازاقستان ارقىلى وتەتىن «باتىس ەۋروپا - باتىس قىتاي» جوعارى ساپالى قۇرلىقارالىق اۆتوماگيسترالى جالعاپ جاتىر. ءبىزدىڭ ەلىمىز قىتايدىڭ تىنىق مۇحيتىنداعى ليانيۋنگان ايلاعىندا لوگيستيكالىق تەرمينال سالدى. «قازاقستان - تۇرىكمەنستان - يران - پارسى شىعاناعى» تەمىر جولى قايتا ىسكە قوسىلدى»، - دەدى ەلباسى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات