جامبىل احمەتبەكوۆ ق ك ح پ اتىنان پرەزيدەنتتىك سايلاۋعا كانديدات رەتىندە بەكىتىلدى

None
None
نۇر- سۇلتان. قازاقپارات - قازاقستاننىڭ كوممۋنيستىك حالىق پارتياسى كەزەكتەن تىس XІV سەزىندە 2019-جىلدىڭ 9- ماۋسىمىندا وتەتىن پرەزيدەنت سايلاۋىنا كانديدات رەتىندە جامبىل احمەتبەكوۆتى بەكىتتى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەيىك، وسىعان دەيىن 2011-جىلعى سايلاۋدا دا ورتالىق سايلاۋ كوميسسياسى قازاقستاننىڭ كوممۋنيستىك حالىقتىق پارتياسىنىڭ حاتشىسى جامبىل احمەتبەكوۆتى ق ر پرەزيدەنتتىگىنە كانديدات ەتىپ تىركەگەن بولاتىن.

جامبىل ءاۋجان ۇلى پارلامەنت ماجىلىسىندە الەۋمەتتىك-مادەني دامۋ كوميتەتىنىڭ مۇشەسى.

1961-جىلى تسەلينوگراد وبلىسى، قورعالجىن اۋدانى، جانتەكە سەلوسىندا تۋعان. سەلينوگراد اۋىلشارۋاشىلىعى ينستيتۋتىن بىتىرگەن. ەڭبەك جولىن 1983-جىلى قورعالجىن كەڭشارىندا مەحانيك رەتىندە باستاعان. 1983-1987-جىلدار ارالىعىندا - قازاقستان ل ك ج و قورعالجىن اۋداندىق كوميتەتى قورعالجىن كەڭشارى كوسمسومول كوميتەتىنىڭ حاتشىسى.

1987-1990-جىلدار ارالىعىندا - قازاقستان كومپارياسى قورعالجىن اۋداندىق كوميتەتى يدەولوگيا ءبولىمىنىڭ نۇسقاۋشىسى. 1990-1992-جىلدار ارالىعىندا - قازاقستان ل ك ج و قورعالجىن اۋداندىق كوميتەتىنىڭ ءبىرىنشى حاتشىسى.

1992-1994-جىلدار ارالىعىندا - قاراعاندى وبلىسى تەڭىز اۋداندىق اكىمشىلىگى مادەنيەت ءبولىمىنىڭ مەڭگەرۋشىسى. 1994-1997-جىلدار ارالىعىندا - قورعالجىن اۋداندىق اكىمشىلىگى جاستار ءىسى، تۋريزم جانە سپورت ءبولىمىنىڭ مەڭگەرۋشىسى، مادەنيەت ءبولىمىنىڭ مەڭگەرۋشىسى.

1997-1998-جىلدار ارالىعىندا - اۆتوموبيلگە جانار-جاعار ماي قۇيۋ ستانساسىنىڭ مەحانيگى. 1998-2001-جىلدار ارالىعىندا - اقمولا وبلىستىق «سۇڭقار» اسكەري- تەحنيكالىق ليتسەيىنىڭ ۆزۆود كومانديرى، ديرەكتوردىڭ اسكەر-تەحنيكالىق دايىندىق جونىندەگى ورىنباسارى. 2001-2002-جىلدار ارالىعىندا - درۋجبا ورتا مەكتەبى ديرەكتورىنىڭ اسكەري-پاتريوتتىق تاربيە جونىندەگى ورىنباسارى. 2002-2003-جىلدار ارالىعىندا - اۋداندىق ءبىلىم ءبولىمىنىڭ العاشقى اسكەري دايىندىق جانە سپورت جونىندەگى ادىسكەرى. 2003-2005-جىلدار ارالىعىندا - قورعالجىن اۋدانى اكىمى اپپاراتىنىڭ باس مامانى، ۇيىمداستىرۋ-باقىلاۋ ءبولىمىنىڭ باستىعى.

2005-2011-جىلدار ارالىعىندا - قازاقستان كوممۋنيستىك حالىق پارتياسى ورتالىق كوميتەتىنىڭ اپپارات باسشىسى، حاتشىسى. 2012 -جىلعى قاڭتاردان باستاپ - قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ مۇشەسى، كوممۋنيستىك حالىق پارتياسى ورتالىق كوميتەتىنىڭ حاتشىسى.

وتباسىلى، ءتورت بالاسى بار.

سوڭعى جاڭالىقتار