10:08, 26 - ءساۋىر 2019 | GMT +6
عالىمدار ادامنىڭ ويىن وقيتىن تەحنولوگيا جاساپ شىعاردى
نۇر- سۇلتان. قازاقپارات - عالىمدار ادامنىڭ ويىن وقي الاتىن ميعا قويىلاتىن يمپلانت جاساپ شىعاردى. ВВС باسىلىمىنىڭ جازۋىنشا، ول قۇرىلعى ويدى وقىپ قانا قويماي، ونى سوزگە اينالدىرا دا الادى.
مۇنداي تەحنولوگيانى سان- فرانسيسكوداعى كاليفورنيا ۋنيۆەرسيتەتىنىڭ عالىمدارى قۇراستىرعان.
« Natureباسىلىمىندا جاريالانعان ماقالادا عالىمدار بۇل قۇرىلعى سويلەي المايتىن ادامدارعا كومەكتەسە الاتىنىن ايتقان»، دەپ جازادى باسىلىم.
اۆتوردىڭ ايتۋىنشا، تەحنولوگيا ەكى ساتىدا جۇمىس ىستەيدى.
«ارينە، ادام ويىن جازىپ الىپ، اۋديو نۇسقادا ايتاتىن كەزدە كەمشىلىكتەر بايقالادى. دەگەنمەن، بۇل عىلىم ءۇشىن ۇلكەن پروگرەسس»، دەيدى عالىمدار.
اۆتور: ايكۇمىس بولاتبەك