+7 (701) 759 90 19 Лента
2 °С : استانا
13 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

اسقار مامين مەن دميتريي مەدۆەديەۆ ساۋدا- ەكونوميكالىق ىنتىماقتاستىقتى تالقىلادى

26 ءساۋىر 09:56 271
:ءبولىسۋ
اسقار مامين مەن دميتريي مەدۆەديەۆ ساۋدا- ەكونوميكالىق ىنتىماقتاستىقتى تالقىلادى

ماسكەۋ. قازاقپارات - 25 - ساۋىردە رەسەي فەدەراتسياسىنا جۇمىس ساپارى اياسىندا ق ر پرەمەر- ءمينيسترى اسقار مامين ر ف ۇكىمەتىنىڭ ءتوراعاسى دميتريي مەدۆەديەۆپەن كەلىسسوزدەر وتكىزدى، دەپ حابارلايدى قازاقپارات primeminister.kz سىلتەمە جاساپ.

كەزدەسۋدە ەكىجاقتى ىنتىماقتاستىقتىڭ وزەكتى ماسەلەلەرى تالقىلاندى. اتاپ ايتقاندا، ساۋدا- ەكونوميكالىق سالاداعى، ينۆەستيتسيالىق ىنتىماقتاستىقتاعى، ونەركاسىپتىك كووپەراتسياداعى، كولىك- ترانزيت سالاسىنداعى، عارىش قىزمەتىندەگى ءوزارا ءىس- قيمىلدى ودان ءارى نىعايتۋ جانە ارتتىرۋ، شەكارا ماڭى ىنتىماقتاستىعىن جانە ايماقارالىق بايلانىستاردى دامىتۋ ماسەلەلەرى قارالدى.

 
اسقار مامين مەن دميتريي مەدۆەديەۆ ساۋدا- ەكونوميكالىق ىنتىماقتاستىقتى تالقىلادى

«ەكى ەل اراسىنداعى اشىق سەنىمدى قاتىناستار قر تۇڭعىش پرەزيدەنتى - ەلباسى نۇرسۇلتان نازاربايەۆ پەن ر ف پرەزيدەنتى ۆلاديمير ءپۋتيننىڭ ستراتەگيالىق باعدارىنا سۇيەنە وتىرىپ، بارلىق سالادا قارقىندى دامىپ كەلەدى»، - دەدى ق ر پرەمەر- ءمينيسترى.

ا. مامين «ق ر پرەزيدەنتى ق. توقايەۆتىڭ ماسكەۋگە جۋىرداعى رەسمي ساپارى جانە جوعارى دەڭگەيدە وتكەن كەلىسسوزدەر ەكى ەلدىڭ ستراتەگيالىق ءوزارا ءىس- قيمىلىنىڭ ودان ءارى دامۋىنا قوسىمشا سەرپىن بەرگەنىن» ايتىپ، «بىرلەسكەن بەلسەندى جۇمىسقا باعىتتالعان، قول جەتكىزىلگەن ۋاعدالاستىقتاردىڭ ماڭىزىن، بۇگىنگى كەزدەسۋدىڭ اتالعان ۋاعدالاستىقتاردى ىسكە اسىرۋدىڭ تاجىريبەلىك قادامدارىن تالقىلاۋدىڭ جاقسى مۇمكىندىگى» ەكەنىن جەتكىزدى.

ر ف ۇكىمەتىنىڭ ءتوراعاسى د. مەدۆەديەۆ ق ر پرەمەر- ءمينيسترىنىڭ ماسكەۋگە ساپارىنىڭ ءبىرقاتار ستراتەگيالىق مىندەتتەردى تالقىلاپ، شەشۋدەگى، تەك ەكىجاقتى فورماتتا ەمەس، سونداي- اق ە ا ە و اياسىندا كۇن تارتىبىندە تۇرعان اۋقىمدى باعدارلامالاردى ىسكە اسىرۋداعى ماڭىزىن اتاپ ءوتتى.


اسقار مامين مەن دميتريي مەدۆەديەۆ ساۋدا- ەكونوميكالىق ىنتىماقتاستىقتى تالقىلادى

«رەسەي - قازاقستاننىڭ باستى ساۋدا سەرىكتەسى»، - دەپ ا. مامين، «ساۋدا- ەكونوميكالىق ىنتىماقتاستىقتىڭ دامۋ قارقىنىن ساقتاۋ ءۇشىن جەتكىزىلەتىن تاۋارلار مەن قىزمەتتەردىڭ نومەنكلاتۋراسىن كەڭەيتىپ، ەكى مەملەكەتتىڭ ىسكەرلىك ورتالارى اراسىندا تىكەلەي بايلانىستاردى ورناتىپ، ءۇشىنشى ەلدەردىڭ نارىقتارىنا تاۋارلاردى ىلگەرىلەتۋ بويىنشا بىرلەسكەن جۇمىستاردى جالعاستىرۋ قاجەت» ەكەنىن ايتتى.

قازاقستان مەن رەسەي اراسىنداعى تاۋار اينالىمى 2018 -جىلى $17,6 ميلليارد قۇرادى، بۇل الدىڭعى جىلدىڭ سايكەس كەزەڭىنەن %7,2- عا جوعارى.

قازاقستان ۇكىمەتىنىڭ ينۆەستيتسيالار تارتۋ بويىنشا قابىلداعان جاڭا شارالارى تۇرعىسىنان ق ر مەن ر ف اراسىنداعى ينۆەستيتسيالىق ىنتىماقتاستىقتى ودان ءارى ۇلعايتۋ جونىندە پىكىر الماستىرىلدى.

 «جاڭا تاسىلدەر ينۆەستورلار ءۇشىن، سونىڭ ىشىندە رەسەيلىك سەرىكتەستەر ءۇشىن بارىنشا قولايلى جاعدايلار جاسايدى»، - دەپ ا. مامين، «استانا» حالىقارالىق قارجى ورتالىعىنىڭ ەاەو اياسىندا قارجىلىق بىرلەسۋ ءۇشىن، شەتەلدىك ينۆەستيتسيالاردى تارتىپ، ەۋرازيا ايماعىنىڭ كاپيتال نارىقتارىن دامىتىپ، ىلگەرىلەتۋگە ۇلكەن پەرسپەكتيۆالارى بار ەكەنىن ايتتى.

ىنتىماقتاستىقتىڭ تابىستى مىسالى رەتىندە بيىل ءساۋىر ايىندا ا ح ق و بيرجاسىندا «پوليمەتالل» رەسەيلىك كومپانياسىنىڭ قاراپايىم اكسيالارىن ورنالاستىرۋدى ايتۋعا بولادى.

تاراپتار ساۋدا- ەكونوميكا سالاسىنداعى ءوزارا ءىس- قيمىلدى كەڭەيتۋدەگى ىنتىماقتاستىق جونىندەگى ۇكىمەتارالىق كوميسسيانىڭ ءرولىن اتاپ ءوتتى. ۇ ا ك كەزەكتى وتىرىسى بيىل ماۋسىم ايىندا قازاقستاندا وتەدى دەپ جوسپارلانعان.

ق ر پرەمەر- ءمينيسترىنىڭ ر ف- كە جۇمىس ساپارى اياسىندا، قازاقستان ۇكىمەتىنىڭ باسشىسى ا. مامين مەن رەسەي ۇكىمەتىنىڭ باسشىسى د. مەدۆەديەۆتىڭ قاتىسۋىمەن كاماز كولىك جابدىقتارى ماركاسى ءۇشىن تەحنيكا جانە قۇرامداستارىن ءوندىرۋ جوباسىن ىسكە اسىرۋ بويىنشا ىنتىماقتاستىق تۋرالى كەلىسىمگە قول قويىلدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات