گەندەرلىك تەڭدىككە جاسالعان كەزەكتى قادام - داۋرەن ابايەۆ ەسپايەۆانىڭ سايلاۋعا قاتىسۋى جونىندە

نۇر-سۇلتان. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ ق ر پرەزيدەنتى سايلاۋىنا قاتىسۋشىلار جونىندە پىكىر ءبىلدىردى، دەپ حابارلايدى قازاقپارات ءتىلشىسى.

ونىڭ ايتۋىنشا، Nur Otan پارتياسى اتىنان قاسىم-جومارت توقايەۆتىڭ ۇسىنىلۋى تاڭقالارلىق جاڭالىق ەمەس.

«بيىل 19- ناۋرىزدان باستاپ، ەلباسى قاسىم-جومارت كەمەل ۇلىنا بىرنەشە رەت قولداۋ ءبىلدىردى. سوندىقتان دا Nur Otan پارتياسى اتىنان قاسىم-جومارت كەمەل ۇلىنىڭ ۇسىنىلۋى تاڭقالارلىق جاڭالىق ەمەس. ءبىر عانا پارتيانى بولە-جارا ايتۋعا بولمايدى. بۇل اپتادا سادىبەك تۇگەل، دانيا ەسپايەۆا، امانگەلدى تاسپيحوۆ سىندى جاڭا ۇمىتكەرلەردى بىلدىك. جاقىن كۇندەرى ودان دا باسقا كانديداتتاردىڭ ەسىمى اتالادى»، - دەدى د. ابايەۆ حابار» ارناسىنداعى «اشىق ديالوگ» باعدارلاماسىندا

سونىمەن بىرگە، مينيستر تۇڭعىش رەت قازاقستاندىق ايەلدىڭ پرەزيدەنت سايلاۋىنا قاتىسۋى جونىندە ءوز ويىن ءبىلدىردى.

«مەنىڭشە، دانيا ەسپايەۆانىڭ پارتيالاستارىنىڭ بۇل شەشىمىن تەك قانا قولداۋىمىز كەرەك. بۇل وتە ايرىقشا وقيعا جانە قوعامىمىزدىڭ گەندەرلىك تەڭدىككە قاراي جاساعان كەزەكتى قادامى. ونى ەلىمىزدىڭ بارلىق وڭىرىندە وكىلدىكتەرى بار، 250 مىڭ ادامنان قۇرالعان پارتيا ۇسىنىپ وتىر. ماقتانعانداي ەستىلۋى مۇمكىن، ءبىراق بۇل - قازاقستان ايەلدەرىنىڭ ۇلكەن جەڭىسى»، - دەدى داۋرەن ابايەۆ.